Rýmyniia Parlamenti Senatynyń Tóraiymy Anka Dragýmen Qazaqstan Elshisi Nurbah Rústemovty qabyldady. Taraptar ekijaqty bailanystardyń jai-kúii men keleshegin talqylap, parlamentaralyq bailanystardyń damý deńgeiiniń joǵary ekendigin atap ótti, dep habarlaidy QR SIM baspasóz qyzmeti.
A. Dragý Elshiliktiń bastamalaryn tolyq qoldaitynyn jáne olardy júzege asyrýǵa, sondai-aq ekijaqty formattaǵy, ásirese saýda-ekonomikalyq saladaǵy basqa da jobalarǵa qatysýǵa qyzyǵýshylyq bildirdi. Ol Qazaqstan tarapyna Rýmyniianyń uly aqyny Mihai Emineskýdiń jaqyn arada Nur-Sultanda ashylýy josparlanǵan biýstin ornatý týraly sheshimi úshin shynaiy rizashylyǵyn bildirdi.
Senat tóraiymy bul mańyzdy mádeni oqiǵany elimizdiń táýelsizdiginiń 30 jyldyǵyna orai Býharestte «Qazaqstan» skveriniń ashylýymen birge eki halyq arasyndaǵy dostyqtyń jarqyn kórinisi retinde qarastyratynyn aitty.
Taraptar sondai-aq Rýmyniiada qazaqtyń uly kompozitory Qurmanǵazy Saǵyrbaiulynyń jáne Qazaqstanda uly rýmyn kompozitory Djordje Eneskýdiń biýstin ashýǵa arnalǵan is-sharalardy talqylady.
