Bolgariia Ortalyq sailaý komissiiasy seisenbi kúni eldiń qazirgi prezidenti Rýmen Radevtiń prezident sailaýynyń ekinshi kezeńinde jeńiske jetip, atalǵan laýazymǵa qaita sailanǵanyn málim etti, dep habarlaidy QazAqparat Sinhýa agenttigine silteme jasap.
OSK jariialaǵan daýys berý nátijesine sáikes, R. Radev jeksenbi kúni ótken prezident sailaýynyń ekinshi kezeńinde 66,72 paiyz daýys jinady. Onyń qarsylasy, Sofiia ýniversitetiniń rektory Anastas Gerdjikovke elektorattyń 31,8 paiyzy daýys bergen.
14 qarashada Bolgariiada prezident sailaýy ótti. 23 kandidattyń ishinen eshbiri jetkilikti daýys jinamaǵandyqtan jáne daýys berýge kelgen turǵyndar sany 50 paiyzǵa jetpegendikten, birinshi kezeńde prezident sailanbady. Birinshi týrda kósh bastaǵan R. Radev pen A. Gerdjikov ekinshi týrǵa qatysty.
R. Radev 1963 jyly týǵan, ol uzaq ýaqyt boiy eldiń Qarýly kúshterin basqaryp keldi. 2016 jyldyń qarashasynda ótken prezident sailaýynda jeńiske jetip, 2017 jyldyń qańtarynda Bolgariia prezidenti retinde qyzmetin bastady. Konstitýtsiiaǵa sáikes, prezident bes jylǵa sailanady. Ol tek bir ret qana qaita sailana alady.
