Ruqsatsyz jumys istegen dárihanalarǵa 2,7 mln teńge aiyppul salynady. Bul týraly QR Sybailas jemqorlyqqa qarsy is-qimyl agenttigi parasat departamentiniń direktory Ǵanijan Asanuly aitty, dep habarlaidy QazAqparat.
«Kelesi anyqtalǵan buzýshylyq - dárihanalardyń ruqsatsyz jumys isteýi. Mundai jaǵdailar Nur-Sultan qalasynda, Túrkistan jáne Mańǵystaý oblystarynda anyqtaldy. Nátijesinde Túrkistan oblysyndaǵy dárihana jabyldy. Al qalǵan faktiler boiynsha materialdar taýarlar men qyzmetterdiń sapasy men qaýipsizdigin baqylaý komitetiniń departamentterine joldandy», - dedi ol agenttiktiń baspasóz qyzmeti alańynda ótken brifing barysynda.
Onyń atap ótýinshe, joǵaryda kórsetilgen kemshilikter úshin Ákimshilik quqyq buzý kodeksinde 2,7 mln teńgege deiin aiyppul salý qarastyrylǵan.
«Eger zańbuzýshylyq qaita oryn alsa, farmatsevtikalyq qyzmetke arnalǵan arnaiy ruqsattyń qoldanysy 6 aiǵa deiin toqtatylady», - dedi Ǵanijan Asanuly.
