رۇقساتسىز جۇمىس ٸستەگەن دەرٸحانالارعا 2,7 ملن تەڭگە ايىپپۇل سالىنادى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ پاراسات دەپارتامەنتٸنٸڭ ديرەكتورى عانيجان اسانۇلى ايتتى, دەپ حابارلايدى قازاقپارات.
«كەلەسٸ انىقتالعان بۇزۋشىلىق - دەرٸحانالاردىڭ رۇقساتسىز جۇمىس ٸستەۋٸ. مۇنداي جاعدايلار نۇر-سۇلتان قالاسىندا, تٷركٸستان جەنە ماڭعىستاۋ وبلىستارىندا انىقتالدى. نەتيجەسٸندە تٷركٸستان وبلىسىنداعى دەرٸحانا جابىلدى. ال قالعان فاكتٸلەر بويىنشا ماتەريالدار تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ دەپارتامەنتتەرٸنە جولداندى», - دەدٸ ول اگەنتتٸكتٸڭ باسپاسٶز قىزمەتٸ الاڭىندا ٶتكەن بريفينگ بارىسىندا.
ونىڭ اتاپ ٶتۋٸنشە, جوعارىدا كٶرسەتٸلگەن كەمشٸلٸكتەر ٷشٸن ەكٸمشٸلٸك قۇقىق بۇزۋ كودەكسٸندە 2,7 ملن تەڭگەگە دەيٸن ايىپپۇل سالۋ قاراستىرىلعان.
«ەگەر زاڭبۇزۋشىلىق قايتا ورىن السا, فارماتسەۆتيكالىق قىزمەتكە ارنالعان ارنايى رۇقساتتىڭ قولدانىسى 6 ايعا دەيٸن توقتاتىلادى», - دەدٸ عانيجان اسانۇلى.
