Foto: TJM baspasóz qyzmeti
Byltyr jazda Alakólde apatqa ushyraǵan planer iesine aiyppul salyndy, - dep habarlaidy Ult.kz, Tengrinews.kzke silteme jasap. Bul týraly bas prokýratýra baspasóz qyzmetine málimdegen.
"Dostyq" kólik prokýratýrasy "SKYPPER 912" deltaplany iesiniń áreketinen quqyq buzýshylyqtardy anyqtady. Ol ruqsatsyz demalýshylarǵa Alakól ústinde aqyly ushýdy usynǵan. Prokýratýranyń bastamasymen Almaty qalasynyń ákimshilik quqyq buzýshylyqtar boiynsha mamandandyrylǵan aýdanaralyq sotynda kásipkerdi ákimshilik jaýaptylyqqa tartý máselesi qaraldy" delingen habarlamada.
Sot deltaplan iesin Qazaqstan Respýblikasynyń áýe keńistigin paidalaný tártibin buzǵany úshin Ákimshilik quqyq buzýshylyqtar týraly kodekstiń 563-babynyń 2-bóligimen kináli dep tapty. Oǵan 55380 teńge aiyppul salynyp, ushý apparaty memleket paidasyna tárkilendi.
Eske salaiyq, 2024 jyldyń jazynda Alakól kólinde osy deltaplan apatqa ushyrap, saldarynan eki adam zardap shekken bolatyn. Qazaqstan Respýblikasy Qylmystyq kodeksiniń 344-babynyń 1-bóligi boiynsha qylmystyq is taraptardyń tatýlasýyna bailanysty toqtatyldy
