فوتو: تجم باسپاسٶز قىزمەتٸ
بىلتىر جازدا الاكٶلدە اپاتقا ۇشىراعان پلانەر يەسٸنە ايىپپۇل سالىندى, - دەپ حابارلايدى Ult.kz, Tengrinews.kzكە سٸلتەمە جاساپ. بۇل تۋرالى باس پروكۋراتۋرا باسپاسٶز قىزمەتٸنە مەلٸمدەگەن.
"دوستىق" كٶلٸك پروكۋراتۋراسى "SKYPPER 912" دەلتاپلانى يەسٸنٸڭ ەرەكەتٸنەن قۇقىق بۇزۋشىلىقتاردى انىقتادى. ول رۇقساتسىز دەمالۋشىلارعا الاكٶل ٷستٸندە اقىلى ۇشۋدى ۇسىنعان. پروكۋراتۋرانىڭ باستاماسىمەن الماتى قالاسىنىڭ ەكٸمشٸلٸك قۇقىق بۇزۋشىلىقتار بويىنشا مامانداندىرىلعان اۋدانارالىق سوتىندا كەسٸپكەردٸ ەكٸمشٸلٸك جاۋاپتىلىققا تارتۋ مەسەلەسٸ قارالدى" دەلٸنگەن حابارلامادا.
سوت دەلتاپلان يەسٸن قازاقستان رەسپۋبليكاسىنىڭ ەۋە كەڭٸستٸگٸن پايدالانۋ تەرتٸبٸن بۇزعانى ٷشٸن ەكٸمشٸلٸك قۇقىق بۇزۋشىلىقتار تۋرالى كودەكستٸڭ 563-بابىنىڭ 2-بٶلٸگٸمەن كٸنەلٸ دەپ تاپتى. وعان 55380 تەڭگە ايىپپۇل سالىنىپ, ۇشۋ اپپاراتى مەملەكەت پايداسىنا تەركٸلەندٸ.
ەسكە سالايىق, 2024 جىلدىڭ جازىندا الاكٶل كٶلٸندە وسى دەلتاپلان اپاتقا ۇشىراپ, سالدارىنان ەكٸ ادام زارداپ شەككەن بولاتىن. قازاقستان رەسپۋبليكاسى قىلمىستىق كودەكسٸنٸڭ 344-بابىنىڭ 1-بٶلٸگٸ بويىنشا قىلمىستىق ٸس تاراپتاردىڭ تاتۋلاسۋىنا بايلانىستى توقتاتىلدى
