Rýhani jańǵyrý: Jetisý jurtshylyǵy jazýshylarmen júzdesti

Memleket basshysynyń «Bolashaqqa baǵdar: rýhani jańǵyrý» atty baǵdarlamalyq maqalasynyń maqsaty men múddesin qalyń buqaraǵa jetkizip, keń kólemde nasihattaý jumysyna erekshe mán berilip otyr. Jetisý jurtshylyǵy da rýhani jańǵyrýǵa ózindik únderin qosyp, mańyzdy basqosýar men keleli kezdesýlerge belsene qatysýda.

Kúni keshe qalyń qaýym «Aqyndar men batyrlar eli» dep úlken qurmetpen ataityn Jambyl aýdanynyń ortalyǵy Uzynaǵash aýylyndaǵy aýdandyq kitaphanada osy taqyrypta taǵy bir taǵylymdy júzdesý ótkizdi, dep habarlaidy «Aiqyn» gazeti.

Ádebietsúier qaýym esimderin jatqa biletin, kitaptaryn jastana jatyp oqityn elge belgili jazýshylar Marhabat Baiǵut pen Nesipbek Dáýtaiuly Elbasy Nursultan Nazarbaevtyń «Bolashaqqa baǵdar: rýhani jańǵyrý» maqalasynyń el bolashaǵy úshin úlken mindetter júkteitinin jurtshylyqqa jetkizýge tyrysty.

Ońtústik Qazaqstan jáne Jambyl oblysynan jyr alybynyń týǵan jerine arnaiy ári ardaqty maqsatpen kelgen qalamgerlermen kezdesýge aý­dandyq me­keme, bólim basshylary men qoǵamdyq uiymdar jetekshileri qa­tysty. Mádeniet pen ádebiet sala­sy­nyń adamdary súiikti jazý­shylarmen júzdesýge bir kisidei jinaldy. Kezdesýdi ótkizýge muryndyq bolǵan Qazaqstan halqy Assambleiasy.

Birinshi bolyp sóz alǵan aýdan ákiminiń orynbasary Qanybek Aitjanov Elba­synyń óz elimizde ǵana emes, alys-jaqyn shet memleketterdegi memleket jáne qoǵam qairatkerleriniń, saiasatkerlerdiń joǵary baǵasyn alǵan baǵdarlamalyq maqalasy­nyń mańyzy men maqsat-muraty jaiynda egjei-tegjeili baiandai kele, ońtústikten at arytyp jetken jazýshylarǵa sóz berdi.

Jazýshy, jýrnalist, aýdarmashy, Qa­zaqstannyń eńbek sińirgen qai­ratkeri, Halyqaralyq «Alash» syi­lyǵynyń laýreaty, «Qurmet» ordeniniń iegeri, Ońtústik Qazaqstan oblysynyń Qurmetti azamaty, Qazaqstannyń Qurmetti jýr­nalisi Marhabat Baiǵut rýhani jańǵyrý­dyń qalyń buqaramen birge qolyna qalam ustaǵan qaýymǵa da sony serpilis ákelgenin aitty. Mun­daǵy basty mindet te rýhaniiat sala­synda ter tógip júr­genderge júkte­letindigin, soǵan sai baǵdarlamalyq maqa­lada aityl­ǵandardy is júzine asyrýǵa bar­ly­ǵymyz at salysýymyz qajettigine de toqtaldy.

Jazýshy, Halyqaralyq «Alash» ádebi syilyǵynyń laýreaty, Qa­zaqstannyń eńbek sińirgen qairatkeri, «Jambyl» ádebi-kópshilik jýrna­lynyń bas re­daktory, Qazaqstan Jazýshylar odaǵy Jambyl oblystyq filialynyń direk­tory Nesipbek Dáýtaiuly da áriptesiniń tushymdy oiyn tolyqtyryp, odan ary tolǵady. Elimizdiń Tuńǵysh Prezi­dentiniń halyqty rýhani jańǵyrtýda­ǵy sarabdal saiasatkerligin, kóregen kóshbasshylyǵyn, ult múddesin kózde­gen batyl bastamalaryn keńinen qozǵady.

Jazýshylarmen júzdesýde Elba­synyń el bolashaǵyn baiandy etýge baǵytalǵan baǵdarlamasynyń ultymyz úshin asa mańyzdylyǵy, ónegesi óreli ekendigi jaily paiymdy pikirler men tujyrymdy oilar ortaǵa salyndy. Qos qalamgerdiń bastamasy aldaǵy kezde de jalǵasyn tapsa jaqsy bolar edi degen usynystar aityldy. Shyndyǵynda, Elbasynyń baǵdarlamalyq maqalasyn atqarýshy bilik ókilderinen góri, esimderi el jadynda jattalǵan, myń­daǵan oqyrmandary asyǵa kútetin rýhaniiat maidanynyń naǵyz sardar­lary bolyp sanalatyn myqty aqyn-jazýshylar nasihattasa, qazaqtyń bai tilimen kestelep jetkizse, halyq ony durys qabyldar edi. Keleshekte ulty­myz tabysty bolýy úshin árbir qa­zaqstan­dyq básekege qabiletti, sana-sezimi joǵary, bilimdi, saýatty bolýy tiis. Ulttyq kodty, mádenietti saqtap, jańa zaman jetistikterin boiǵa sińire otyryp, jalpyadamzattyq qundylyq­tarmen rýhani baiýymyz qajet. Qazaq tilin birtindep latyn álipbiine kóshirý, «Jańa gýmanitarlyq bilim. Qazaq tilindegi 100 jańa oqýlyq» jobasy, jalpyulttyq patriotizmdi dáripteitin «Týǵan jer» baǵdarlamasy, ulttyq mádenietimizdiń ozyq úlgilerin kór­setetin «Qazaqstandaǵy 100 jańa esim» jobasy bizderdi rýhani turǵyda jańa belesterge bastary sózsiz.

Qurmetti qonaqtardan keiin sóz alǵan belgili jýrnalist Kúmisjan Baijan, aýdandyq ardagerler keńesiniń tóraǵasy Qyrǵyzbek Atageldiev, aqyn Gúlnar Ómirzaqova Elbasynyń baǵ­darlamalyq maqalasyna bailanysty oi-pikirlerin bildirdi.