Qazaqstan boiynsha "Rýhani jańǵyrý" baǵdarlamasyn júzege asyrýǵa 3 jyl ishinde 2 millionnan astam adam jumyldyryldy. Jeti myńnan astem is-shara ótkizildi, - dep habarlaidy «Ult aqparat».
QR Aqparat jáne qoǵamdyq damý vitse-ministri Bolat Tilepov «Rýhani jańǵyrý» baǵdarlamasy aiasynda qazaqstandyqtardyń zamanǵa sai syn-talaptarǵa qarsy tqrýǵa qaýqarly bolýy úshin jáne jeke kásibi qasietterin damytatyn is-sharalar qolǵa alynǵanyn habarlady.
Qazirgi tańda ministrliktiń aldynda «Rýhani jańǵyrý» baǵdarlamasyn jańa jaǵdaiǵa beiimdeitin birqatar mindet tur. Onyń negizgisi – bul ulttyq erekshelikti saqtai otyryp, qazaqstandyqtardyń qazirgi zamanǵy syn-talaptarǵa tótep bere alatyn sharalar, - dedi vitse-ministr.
Sonymen qatar osy jumystar úshin arnaiy jobanyń birneshe nusqasy bar. Onyń ishinde pragmatikalyq ómir saltyn dáripteitin joba bar. Sol arqyly únem qýaty umyt bolǵan, izgilik jáne tárbielik qundylyq turǵysynan qazirgi zamanda ózekti bolyp sanalatyn salt-sanany dáripteitin joba iske asady. Jobanyń aty - «Dástúr men ǵuryp».
Ekinshi joba – «Quqyqtyq mádeniet». Ol eldiń quqyqtyq mádenietin ashýǵa baǵyttalǵan.
Úshinshi joba – «Eńbek eldiń muraty», ol eńbekqorlyqqa úndeitin joba bolady.
Vitse-ministrdiń aitýynsha, olardyń qamtityn taqyryptyq aiasy ataýynan áldeqaida keń bolady. Mysaly, jastardyń minez-qulqyn qalyptastyrý, densaýlyqqa qatysty salaýatty ómir salty mádenieti men estetikalyq talǵamǵa baýlý kiredi.
Jobalar aiasynda tamaqtaný mádenietinen bastap mýzyka, ádebiet, teatr siiaqty tereń dúnielerdi qabyldaý, azamattardyń ózńiniń qarapaiym quqyqtaryn qorǵai bilýi, kásip jasaý siiaqty qabiletterin arttyrý máseleleri kóteriledi.
Toqaevtyń kótergen úlken bastamasy – qoǵamnyń ekologiialyq saýatyn ashý men ekomádenietin kóterý. Sonymen qatar «Kitapsúier ult» uranyn paidalanyp, mektep oqýshylaryn, balalardy kitap oqýǵa baýlýdyń mańyzy zor bolyp sanalady.
Tamyzda Aqmola oblysynda memlekettik organdar, qoǵam jáne BAQ ókilderiniń qatysýymen "Rýhani jańǵyrý" óńirlik saraptamalyq keńesiniń otyrysy ótti. Saraptamalyq keńestiń qatysýshylary úshin Shoqan Ýálihanov atyndaǵy ýniversitettiń foiesinde "Rýhani jańǵyrý" baǵdarlamasyna arnalǵan stýdentterdiń shyǵarmashylyq jumystarynyń kórmesi uiymdastyryldy.
Otyrystyń jumys kún tártibi óńirdegi qoǵamdyq sanany jańǵyrtý baǵdarlamasynyń qyzmetin iske asyrý qorytyndylaryna jáne aldaǵy jylǵa qoiylǵan maqsattar men mindetterdi talqylaýǵa arnaldy.
Ishki saiasat basqarmasynyń arnaiy jobalar bóliminiń basshysy Arhat Aibabinniń aitýynsha, "Rýhani jańǵyrý" baǵdarlamasyn júzege asyrý boiynsha osy jylǵa arnalǵan oblystyq jumys jospary osy jumystaǵy jańa talaptar men úrdisterdi esepke alyp, jańa qyzyqty jobalarǵa toly boldy.
