Qarasha aiynyń 9 juldyzy «Qazaqstan» OKZ kishi zalynda Qazaqstan Respýblikasy Mádeniet jáne sport ministrliginiń «Qazaqkontsert» memlekettik kontserttik uiymy Memleket basshysy N.Á.Nazarbaevtyń «Bolashaqqa baǵdar – rýhani jańǵyrý» maqalasy aiasynda «Rýhani jańǵyrý – Ulttyń jańǵyrýy» atty dóńgelek ústel ótkizedi.
Kezdesý qonaqtary Abaitanýshy, L.Gýmilev atyndaǵy Eýraziia ulttyq ýniversitetiniń dotsenti Omar Jáleluly, Aitysker aqyn, L.Gýmilev atyndaǵy Eýraziia ulttyq ýniversitetiniń dotsenti, filologiia ǵylymdarynyń kandidaty. Serikzat Dúisenǵazy, Jýrnalist, "Qazaq radiolary" JShS-i Bas direktory Mádi Manatbek jáne «Qazaqkontsert» memlekettik kontserttik uiymynyń direktory, Qazaqstannyń eńbek sińirgen qairatkeri, Phd doktory Ashat Maemirov.
«Ulttyq salt-dástúrlerimiz, tilimiz ben mýzykamyz, ádebietimiz, joralǵylarymyz, bir sózben aitqanda ulttyq rýhymyz boiymyzda máńgi qalýǵa tiis. Abaidyń danalyǵy, Áýezovtiń ǵulamalyǵy, Jambyldyń jyrlary men Qurmanǵazynyń kúileri, ǵasyrlar qoinaýynan jetken babalar úni – bular bizdiń rýhani mádenietimizdiń bir parasy ǵana. Sonymen birge, jańǵyrý uǵymynyń ózi meilinshe kónergen, jahandyq álemmen qabyspaityn keibir daǵdylar men ádetterden arylý degendi bildiredi. Bizdiń maqsatymyz aiqyn, baǵytymyz belgili, ol – álemdegi eń damyǵan 30 eldiń qataryna qosylý. Rýhani jańǵyrý tek búgin bastalatyn jumys emes», – dep Memleket basshysy Nursultan Nazarbaev aitqan el erteńi, ulttyń rýhaniiatyn saqtap qalý úshin ne qajet? Kóptegen suraqtarǵa birge jaýap izdeiik.
