Elimizdiń astanasy Nur-Sultan qalasynda «Bolashaqqa baǵdar: rýhani jańǵyrý» bańdarlamasy aiasynda Mádeniet jáne óner salasy uiymdary men qyzmetkerleriniń III respýblikalyq «Rýhani qazyna – 2020» baiqaýy bastaldy. Biyl úshinshi ret uiymdastyrylyp otyrǵan baiqaý bul joly álemdegi jaǵdaiǵa bailanysty onlain formatta ótkizilýde, - dep habarlaidy «Ult aqparat».
Atalǵan baiqaýǵa memlekettik mýzeiler, kitaphanalar, mádeniet úileri men aýyldyq klýbtar qatysýda.
«Baiqaǵandaryńyzdai, bul respýblikalyq baiqaý. Sáikesinshe irikteý kezeńi de erekshe ótip otyr. Atap aitqanda, óńirlerde irikteý kezeńi 14 qyrkúiekke deiin ótip, úzdik shyqqandar respýblikalyq kezeńge joldama alǵan bolatyn. Al, respýblikalyq baiqaý búginnen bastalyp qyrkúiek aiynyń sońyna deiin jalǵasady», - deidi uiymdastyrýshylar.
Belgili bolǵandai, qatysýshylardyń jumysyn arnaiy taǵaiyndalǵan qazylar adqasy baǵalaityn bolady. Atap aitqanda, qazylar alqasynyń músheleri eki kún boiy onlain formatta qatysýshylardyń eńbekterin baǵalaidy. Ár sala boiynsha irikteý jumystaryn baǵalaý tikelei efirde kórsetiledi. Mysaly, kitaphana salasy boiynsha QR Ulttyq akademiialyq kitaphanasynyń, mýzei salasy boiynsha Ulttyq mýzeidiń, al, mádeniet uiymdarynyń úzdikterin anyqtaý «Qazaqkontsert» memlekettik kontserttik uiymynyń Facebook paraqshalarynda tikelei efirde ótedi.
«Mundai baiqaýlar sala mamandary úshin óte mańyzdy. Biz de ujymymyzdyń atynan qatysýshylardy daiyndap, taqymyn qysyp, báigege qostyq. Kitaphana isi óte jaýapty sala. Osy jolda qanshama jyldar boiy eńbek etip, oqyrmannyń kóńilin taýyp júrgen qyzmetkerlerimi respýblikalyq baiqaýda top jaratynyna senimdimiz. «Bolashaqqa baǵdar: rýhani jańǵyrý» baǵdarlamasy aiasynda uiymdastyrylyp jatqan bul baiqaý kóptegen memlekettik qyzmetkerlerdiń yntasyn oiatyp, jigerin arttyrdy dep oilaimyn», - deidi Qazaqstan Respýblikasy Ulttyq kitaphanasynyń direktory Baqytjamal Qaiyrbekova.
Aita keteiik, atalǵan baiqaýdyń respýblikalyq kezeńine qatysý úshin elimizdiń 17 óńirinen 180-nen astam ótinim kelip tústi. Sonyń ishinde kitaphana salasy boiynsha – 80 ótinim, mýzei isi boiynsha – 42 ótinim, mádeniet úileri salasy boiynsha – 60 ótinim.
Al, jeńimpazdardy marapattaý rásimi Nur-Sultan qalasynda epidemiologiialyq jaǵdaidy eskere otyryp, onlain formatta nemese karantin talaptaryn saqtai otyryp tek qana jeńimpazdardyń qatysýymen Qazaqstan Respýblikasynyń Ulttyq mýzeiinde ótedi dep josparlanýda. Marapattaý rásimi QR Mádeniet jáne Sport ministrliginiń Youtube, Facebook resmi paraqshalarynda tikelei efirde kórsetiledi. Baby men baǵy qatar janǵan talanttar arnaiy diplommen jáne qarjylai syilyqtarmen marapattalady.
Esterińizge sala keteiik, Elimizdiń astanasy Nur-Sultan qalasynda «Bolashaqqa baǵdar: rýhani jańǵyrý» bańdarlamasy aiasynda Mádeniet jáne óner salasy uiymdary men qyzmetkerleriniń III respýblikalyq «Rýhani qazyna – 2020» baiqaýy bastaldy. Biyl úshinshi ret uiymdastyrylyp otyrǵan baiqaý bul joly álemdegi jaǵdaiǵa bailanysty onlain formatta ótkizilýde.
