Tselinograd aýdanynda aýdandyq Ishki saiasat bóliminiń uiymdastyrýymen jastar jylyna orai «Rýhani jańǵyrý - patriotizm negizi» atty joǵary synyp oqýshylary arasynda ótetin intellektýaldyq baiqaý ótti. Baiqaýǵa Talapker, Orazaq, Aqmol, Qaraótkel orta mektepteriniń joǵary synyp oqýshylary qatysty.
Shyǵarmashylyq baiqaýdyń maqsaty - aýdan turǵyndary jáne jastary arasynda jergilikti tarih, salt-dástúr jáne mádenietke degen qyzyǵýshylyqtaryn arttyrý. Óz aýyldyq okrýgin kórkeitýge baǵyttalǵan jumystardy nasihattaý arqyly óskeleń urpaqty otansúigishtikkke tárbileý. Baiqaýda Tselinograd aýdany Ishki saiasat bóliminiń basshysy J.E.Baidildina, Qosshy aýyly kitaphanashysy D.M.Bekova, «Jas Otaý» qoǵamdyq qory tóraǵasynyń orynbasary A.Bazarhanuly qazylyq etti.
Ár komanda «Rýhani jańǵyrý» baǵdarlamasy aiasynda óz okrýgterinde atqarylǵan jumystardy nasihattady. Baiqaý 3 kezeńnen turdy. I kezeń: «Tanystyrylym», II kezeń: «Bizdiń jetistikter» - («Rýhani jańǵyrý» baǵdarlamasy aiasynda óz aýyldyq okrýginde atqarylǵan jumystar /abattandyrý, qurylys, jańa nysan, jol, jaryqtandyrý, sý tartý, bilim, óner, mádeniet, tarih, ólketaný murajai, tulǵalar t.b./ jetistikter týraly qorǵady. III kezeń: Úi tapsyrmasy - «Rýhani jańǵyrý – patriotizm negizi» taqyrybynda óz týǵan jerine bailanysty maketterin qorǵady. IV kezeń: «Meniń úlesim», «Men Rýhani jańǵyrýdy qalai túsinemin» suraqtar aiasynda ózara pikiralmasty.
Baiqaý qorytyndysynda Bas júldege Qaraótkel aýyldyq okrýgi №2 orta mektebiniń «Qaraótkel qyrandary» komandasy ielense, 1 oryndy Aqmol aýyly №5 orta mektebiniń «Jas jalyn» komandasy, 2 oryndy Talapker aýyldyq okrigi №48 orta mektebiniń «Jas talapker» komandasy, 3 oryndy Orazaq aýyldyq okrýgi №27 orta mektebi «Ulandar» komandasy ielendi.
Sonymen qatar «Rýhani tanymdy» nominatsiiasyna Orazaq aýyly №27 orta mektebi oqýshysy Tair Alabýjev, Talapker aýyly №48 orta mektebi oqýshysy Marden Aiaýlym, «Eń bilimdi, sheshen» nominatsiiasyna Aqmol aýyly №5 orta mektebi Nargiz aidynova, «Eń jańashyl» nominatsiiasyna Qaraótkel aýyly №2 orta mektebi oqýshysy jaqsylyq Dýman ie boldy. Barly komandalardy daiyndaǵan jetekshileri de alǵys hatpen marapattaldy. «Rýhani jańǵyrý» bul – aýqymdy joba, strategiialyq qujat. «Rýhani jańǵyrý» – san ǵasyrlyq tarihi tamyrymyz, atamura ónerimiz, salt-dástúrimiz, bilim-ǵylymymyz jáne otbasymyz. Mine, osy qundylyqtar, «Rýhani jańǵyrý» búginde ulttyq ideologiiamyzǵa ainalyp otyr. Babalar amanatyn, olar qorǵap qalǵan ushqan qustyń qanaty talyp, júgirgen ańnyń tuiaǵy tozatyn ulan-ǵaiyr jerdiń qyr-syryn, tylsym qupiialaryn búgingi urpaq jete bilýi tiis.
Rýhani bailyqtyń kemel de qýatty bolǵany búgingi jastar úshin de, elimiz úshin de mańyzdy. Aqyl-oiy tolysqan, otbasyn, Otanyn riiasyz súietin, rýhani bai urpaq órkeniet básekesine qabiletti bolatyny anyq. Atalmysh baiqaý aýdandaǵy barlyq okrýgterde óz jalǵasyn tabady.
