Qazaqstannyń tuńǵysh prezidenti – Elbasy Nursultan Ábishuly Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasy osydan úsh jyl buryn jazylǵan bolatyn. Soǵan bailanysty ádebiet, mádeniet, týrizm salasynda birqatar jumys atqaryldy. El damýynyń jarqyn úlgisi men naqty qadamdaryn kórsetetin keleli oi, saliqaly pikir aitylǵan maqalada batyl sheshimder qarastyrylǵanyn aityp ótken jón. Maqalada rýhani jańǵyrý, onyń ishinde halyqtyń sanasynyń jańǵyrýy, ulttyq bolmys, ulttyq kodty álemdegi qundylyqtarmen bailanystyryp, el igiligine jaratý úshin naqty mindet pen maqsat qoiylǵan.
Jalpy qoldanys pen qoldaý tapqan «Rýhani jańǵyrý» baǵdarlamasyn iske asyrý úshin 2020 jyly 97 tarmaqtan turatyn jospar jasaldy. Ony aqparat jáne qoǵamdyq damý ministri Aida Balaeva tanystyrdy.
«Taǵy bir úlken baǵyt –qoǵamdyq sanany rýhani jańǵyrtý. Bul jaily osydan úsh jyl buryn uzaqmerzimdi arnaiy baǵdarlama qabyldanǵan bolatyn. Sol ýaqyttan beri kóptegen is atqaryldy. Qazir baǵdarlama aiasynda 13 arnaiy joba iske asyrylyp jatyr. Baǵdarlamany iske asyrý boiynsha biylǵy 2020 jylǵa arnalǵan 97 tarmaqtan turatyn jospar da bar.», - dedi Aida Balaeva.
Aitýynsha, jańa jylǵa arnalǵan josparda atqarylatyn is-sharalar 3 baǵytqa bólingen:
tulǵalyq damý;
ulttyq erekshelikti saqtaý;
memleket pen azamattyq qoǵamdy damytý;
Sonymen qatar osy baǵytta ár óńirdiń óz jospary bar.
Ministrdiń aitýynsha, baǵdarlama jaily tolyq aqparatty portaly jáne osy baǵdarlamaǵa qatysty barlyq máselelerdi talqylaý úshin arnaiy «Azamattyq alań» jumys isteitinin jetkizdi.
Ministr kenje qalǵan máselelerdi sheshý úshin jergilikti resýrstyq ortalyqtarmen tyǵyz qarym-qatynas ornatylǵanyn aityp ótti.
Qazir ministrlik tarapynan «Eńbek – eldiń muraty», «Quqyqtyq mádeniet», «Únem – qoǵam qýaty», «Dástúr men ǵuryp» degen 4 arnaiy joba usynylǵan.
Sondai-aq, bul tórt jobaǵa jeke kontseptsiia jasalyp qoidy. Ministr barlyq jobanyń tulǵany tárbieleý men qoǵamda biik talǵam qalyptastyrý úshin jasalyp jatqanyn aitty.
Sonymen qatar Aida Balaeva memlekettiń sanany jańǵyrtý jónindegi is-sharalarynda saralanǵan kózqaras bolýy qajet ekenin, óńirlerde jumys isteýdiń mańyzdylyǵy men jańa internet-jobalardy damytýǵa jáne taǵy basqa salalyq ózekti máselelerge barynsha nazar aýdarý qajet ekenin málimdedi.
Aita keteiik, Elbasy Nursultan Nazarbaevtyń «Bolashaqqa baǵdar: rýhani jańǵyrý» maqalasy ulttyq rýhaniiatqa úlken serpilis ákelip, qoǵamǵa qozǵaý saldy. Birqatar eleýli jobalar iske asyp, Qazaqstannyń rýhani murasy dáripteldi. Ulttyq biregeilikti saqtaý, mádenietti kóterý, bilimdi kýltke ainaldyrý, týǵan jerge degen súiispenshilikti arttyrý, latyn álipbiine kóshý siiaqty máseleler qoǵamda qyzý qoldaý taýyp, aýqymdy jumystar atqarylyp keledi.
