Ortalyq kommýnikatsiialar qyzmetinde ótken baspasóz maslihatynda Erlan Qoshanov Elbasynyń «Qazaqstannyń úshinshi jańǵyrýy: jahandyq básekege qabilettilik» atty joldaýyn júzege asyrý aiasyndaǵy basty jetistikteri men óńirdiń aǵymdaǵy jylǵy on aidyń qorytyndysy boiynsha áleýmettik-ekonomikalyq damýy týraly aitty, dep habarlaidy ortcom.kz
«Rýhani jańǵyrý» baǵdarlamasy sheńberinde aimaqta jalpy somasy 13 mlrd teńgeni quraityn 400 joba júzege asyrylýda, onyń ishinde 5 mlrd teńge demeýshilerdiń bólgen qarajaty. Rýhani jańǵyrýdyń jarqyn mysaly retinde Ulytaýdaǵy týristik infraqurylymnyń damýyn keltirýge bolady. Kieli mekende qonaq-ortalyǵy men etno aýyldyń qurylysy josparlanyp otyr. Al kelesi jyly Ulytaýda etnofestival ótedi, sondai-aq álemniń túrli elderinen jinalatyn arheologtar, geologtar jáne tarihshylardyń qatysýymen halyqaralyq simpoziým uiymdastyrylady degen jospar bar»,-dedi ákim.
Sonymen qata ol óndiristerin jetildirý úshin oblystyń kásiporyndary EKSPO-2017 Halyqaralyq kórmesinde usynylǵan jańa zerttemelerdiń arasynan 31 jobany iriktep, olardy ári qarai júzege asyrý amaldaryn qarastyryp jatqanyn tilge tiek etti.
.jpeg)