Qazaqstannyń oblystary men qalalarynda «Rýhani jańǵyrý» baǵdarlamasyn iske asyrý jumystary qarqyndy júrip jatyr. Sonyń ishinde Pavlodar oblysynda 103 "Rýhani jańǵyrý" kabineti ashyldy, - dep habarlaidy «Ult aqparat».
"Bilim basqarmasy" Rýhani jańǵyrý "kabinetiniń standartyn ázirledi. Qazirgi ýaqytta oblysta 103 "Rýhani jańǵyrý" kabineti ashyldy, onyń ishinde jalpy bilim beretin mektepterde 72 kabinet, mektepten tys uiymdarda – ekeýi, mektepke deiingi uiymdarda – bireýi, tehnikalyq jáne kásiptik bilim berý uiymdarynda – 28 kabinet bar", - dep habarlady Pavlodar oblysynyń bilim berý basqarmasy.
Kabinettiń basty maqsaty men missiiasy – mektep oqýshylarynyń rýhani-adamgershilik damýyn qalyptastyrý, Qazaqstannyń biregei tarihy men mádeni murasyn júieli zerdeleý úshin jaǵdai jasaý, óskeleń urpaqtyń patriottyq jáne azamattyq sana-sezimin qalyptastyrýdaǵy negizgi basymdyqtardy belgileý.
"Kabinetterde tarih, Geografiia, Qazaq jáne orys tilderi, ádebiet, ózin-ózi taný, synyp saǵattary, dóńgelek ústelder, túrli deńgeidegi is-sharalar ótkiziledi. Oqýshylardyń shyǵarmashylyq qabiletterin damytý, balalardyń halyq shyǵarmashylyǵyna, qazaq halqynyń tarihyna degen súiispenshiligin arttyrý maqsatynda oblys mektepterinde 205 dombyra kabineti, onyń ishinde 77 arnaiy kabinet ashyldy. Munyń barlyǵy «Rýhani jańǵyr» baǵdarlamasy aiasynda júzege asyp keledi.
Sondai-aq, óńirde 270 dombyra úiirmesi jumys isteidi, oǵan 6811 oqýshy qatysady.
Sonymen qatar Qaraǵandy oblysynda da «Rýhani jańǵyrý» baǵdarlamasyn júzege asyrý, kún tártibinde basty nazarda ustaý boiynsha jiyn ótti. Eldegi epidemiologiialyq jaǵdaiǵa bailanysty jiyn onlain formatta ótti.
Jiyn barysynda baǵdarlamanyń naǵyz halyqtyq mánin ashý, tyń jobalardy iske qosý, jumysty jańa formatta uiymdastyrý máselesi qaraldy.
Aita keteiik, munyń aldynda aqpanda oblystyń ákimi «Rýhani jańǵyrý» jobalyq keńsesiniń jumysyn kúsheitý, baǵdarlamany jan-jaqty júzege asyrý jaiynda boiynsha birqatar tapsyrma bergen bolatyn.
Oblys ákiminiń orynbasary eldegi tótenshe jaǵdaiǵa bailanysty biraz jospar keiinge qaldyrylǵanymen, «Rýhani jańǵyrý» baǵdarlamasy karantin kezinde de basty nazarda bolǵanyn aityp ótti.
Aita keteiik, Qazaqstanda «Rýhani jańǵyrý» baǵdarlamasy aiasynda úsh jyldan beri qraqyndy jumys júrgizilip keledi.
Aita keteiik, Qaraǵandy oblysynda oblys ákiminiń «Rýhani jańǵyrý» baǵdarlamasy boiynsha shtattan tys keńesshisi bolyp Bekzat Altynbekov taǵaiyndaldy. Al oblystyq jobalyq keńseniń basshylyǵyna Aitbai Jumaǵulov jetekshilik etedi. Bul obalyq keńse «Saryarq aqparat» mediaholdingi quramyna engizildi. Sonymen qatar birqatar ózgeris boldy.
