"Rýhani jańǵyrý" baǵdarlamasy ideologiialyq platforma retinde qarastyrylady. Bul týraly QR Aqparat jáne qoǵamdyq damý vitse-ministri Bolat Tilepov málimdedi, - dep habarlaidy «Ult aqparat».
"Úsh jyl buryn elimizdiń rýhani áleýetiniń damýyna úmit artqan úlken bastama bastaldy. Biyl "Rýhani jańǵyrý" jańa kezeńge ótti. Árine, eldiń rýhani jańǵyrýy búgin bastalǵan joq", - dedi Bolat Tilepov.
Ol buǵan deiin "Mádeni mura" jáne "Halyq tarih tolqynynda" baǵdarlamalary iske qosylǵanyn eske salyp ótti.
"Endi búgingi rýhani jańǵyrýdyń basty maqsaty – qoǵamdyq sana. Al basty shart – ulttyq kodty saqtaý. Kórip otyrǵanyńyzdai, álem kún saiyn ózgerip otyrady. Epidemiia adamdardyń ómir saltyn ǵana emes, sonymen birge memleketterdiń saiasatyn da ózgertetinin aitpaǵanda. Tek fizikalyq densaýlyq qana emes, sonymen qatar rýhani kúsh, saýattylyq pen tárbie de birinshi orynǵa shyǵady. Munyń bári bir kúnde nemese bir jylda bola bermeidi", - dedi ol.
Eger adam denesin emdeý qiyn bolsa, jandy emdeý odan da qiyn. Sondyqtan qoǵamdy rýhani jańǵyrtý máselesin belgili bir merzimdi baǵdarlama retinde emes, únemi damyp, tolyqtyrylyp otyratyn úlken ideialyq platforma retinde qarastyrǵan jón degen pikirdi usyndy.
Sonymen qatar jaqynda Aqparat jáne qoǵamdyq damý ministri Aida Balaeva "Rýhani jańǵyrý" baǵdarlamasyn iske asyrý jáne "Rýhani jańǵyrý" qazaqstandyq qoǵamdyq damý institýtynyń jumysy taqyryby boiynsha jumys otyrysyn ótkizdi.
Epidemiologiialyq jaǵdaiǵa bailanysty is-shara ZOOM baǵdarlamasynyń kómegimen qashyqtyqtan ótti.
"Otyrys barysynda qazirgi ýaqytta iske asyrylyp jatqan jobalar taldanyp, jańa jobalardyń perspektivalary atap ótildi. Memlekettiń sanany jańǵyrtý jónindegi qyzmeti saralanǵan tásilge ie bolýy, óńirlerdegi jumystyń mańyzdylyǵy, jańa internet-jobalardy ázirleý qajettiligi talqylandy", - dep habarlady ministrliktiń baspasóz qyzmeti.
Aita keteiik, 2017 jyly Elbasy Nursultan Nazarbaevtyń «Bolashaqqa baǵdar: rýhani jańǵyrý» maqalasy jaryq kórdi.
«Rýhani jańǵyrý» baǵdarlamasy aiasynda «Jańa gýmanitarlyq bilim. Qazaq tilindegi 100 jańa oqýlyq» jobasy sheńberinde úsh jyl ishinde 77 kitap jaryq kórdi. Aýdarylǵan oqýlyqtar Qazaqstannyń oqý oryndaryna taratyldy. Ár oqýlyq kem degende on mń danamen jaryqqa shyqty.
Qazirgi tańda baǵdarlama aiasynda shyqqan kitaptar Qazaqstandaǵy 132 kitaphanaǵa jetkizilip, kitaphanalarǵa qoiyldy. Aldaǵy ýayqtta bul kitaptardyń shyǵarylymy 25 esege artady, sebebi talap boiynsha oqý oryndarynda ár eki stýdentke bir kitaptan kelýi tiis. Alaida búgingi qolda bar tehnologiiany paidalanyp, bul kitaptardyń elektrondy nuqsasy qoljetimdi bolmaq.
Qazir aýdarylǵan 77 oqýlyqtyń barlyǵynyń elektrondy nusqalary jáne osy kitaptardyń negizinde qurastyrylǵan onlain-kýrstar, videodárister barlyq qazaqstandyq qoldanýshylarǵa tegin qoljetimdi bolyp otyr.
