Almaty oblysynyń ákimi Amandyq Batalov óńirdiń eńbek ardagerlerimen jáne shyǵarmashylyq ziialy qaýym ókilderimen kezdesý ótkizdi. «Rýhani jańǵyrý» baǵdarlamasy aiasyndaǵy bul beiresmi kezdesýdi Qazaqstan Respýblikasynyń Prezidenti syilyǵynyń laýreaty, ataqty jýrnalist Beisen Quranbek júrgizdi, - dep habarlaidy Almaty oblysy ákiminiń baspasóz qyzmeti.
Óziniń quttyqtaý sózinde Amandyq Ǵabbasuly birinshi kezekte aǵa býyn ókilderiniń qoǵam ómirine belsendi túrde súbeli úlesterin qosyp kele jatqandyǵy úshin alǵysyn bildirdi. Osydan keiin oblys ákimi kezdesýge jinalǵandarǵa oblystyń áleýmettik-ekonomikalyq damýy jaiynda qysqasha aqparat berip ótti.
Oblys ákimi Amandyq Batalov atap ótkendei, aǵymdaǵy jyldyń qańtar-maýsym ailary aralyǵynda oblysta ónerkásip salasynda 329,4 mlrd. teńgeniń ónimi óndirilgen. Naqty kólem indeksi 104,4 % qurady. Aýylsharýashylyǵy salasynda da jaqsy kórsetkishterge qol jetkizildi. Qazirdiń ózinde 149,8 mlrd. teńgeniń ónimi shyǵaryldy. Odan bólek, osy kezeń aralyǵynda oblysqa 174,6 mlrd. teńge investitsiia tartyldy. Nátijesinde 12 724 jańa jumys orny quryldy.
Sonymen qatar, óńir basshysy memlekettik qoldaýdyń arqasynda áleýmettik salaǵa úlken kóńil bólinipjatqandyǵyn tilge tiek etti. Eskirgen nysandar kúrdeli jóndeýden ótip, materialdyq—tehnikalyq bazalary jańartylýda. Jańadan sáýleti kelisken ǵimarattar boi kóterýde. Biylǵy jyly 44 mekteptiń qurylysy júrgizilýde, onyń 35-i jyl sońyna deiin paidalanýǵa berilmek. Al atalǵan mektepterdiń 24-i Bilim kúni óz oqýshylaryna esikterin ashqaly tur. Óńirimizde memlekettik-jekemenshik áriptestik tetikterin utymdy paidalanýdyń arqasynda mektepke deiingi bilim berý mekemeleri kóptep ashylýda. Ózge de salalar boiynsha aýyz toltyryp aitar jetistikter jeterlik. Atap aitar bolsaq, joldardyń qurylysy, týrizmdi damytý jáne kóptegen basqa da jetistikterdi osy qatarǵa jatqyzýǵa bolady.
- Bizdiń Sizdermen búgingi kezdesýimizdiń barysynda, men, Almaty oblysynyń áleýmettik-ekonomikalyq damýynyń negizgi baǵyttaryna toqtalyp óttim. Osy sátti paidalana otyryp, isimizdi qoldap, Jetisý ólkesiniń damýyna qosqan ólsheýsiz eńbekterińiz úshin Sizderge taǵy bir márte alǵysymdy jetkizgim keledi. Bizder úshin sizderdiń aqyl-keńesterińiz, kópjyldyq eńbek tájiribelerińiz ben bilimderińiz óte mańyzdy. Ásirese, bolashaq urpaq tárbiesine degen sizderdiń tálim-tárbielerińiz «Rýhani jańǵyrý» baǵdarlamasynda kórsetilgen tapsyrmalardy oryndaýda úlken mánge ie, - dedi óńir basshysy A.Batalov.
Kezdesý sońynda ziialy qaýym ókilderi men aqsaqaldar birqatar máseleler boiynsha óz oilarymen bólisip, oblys ákiminiń jumysyna sáttilik tiledi. Óńir basshysy aitylǵan árbir usynysty nazaryna alyp, olar boiynsha belgili bir sheshimge keletindigin atap ótti.
Jalpy kezdesýge 80-nen astam ardagerler men ziialy qaýym ókilderi qatysty.
