Rýdnyi qalasynyń politseileri karantin sharalaryn saqtamaǵan oiyn klýbyn anyqtady, dep habarlaidy QazAqparat oblystyq politsiia departamentiniń baspaóz qyzmetine silteme jasap.
Rýdnyi qalasy politsiia basqarmasy jergilikti politsiia qyzmeti málim etkendei, Ivan Franko kóshesinde ornalasqan «LOTO klab» oiyn klýby karantin bastalǵaly úzdiksiz jumys istep turǵan.
Belgilengen qatań karantin sharalaryn buzǵan klýb jabylyp qalýy da múmkin.
Karantin kezinde kompiýterlik jáne oiyn klýbtarynyń jumysyna tyiym salynǵanyna qaramastan, mekeme óz qyzmetin júzege asyrdy.
«Politsiia kirip kelgen kezde oiyn zalynda 10-nan astam adam bolǵan. Tártip saqshylary jinaǵan materialdar ary qarai sheshim qabyldaý úshin Rýdnyi qalasy Taýarlar men qyzmetterdiń sapasy men qaýipsizdigin baqylaý basqarmasyna joldandy», delingen vedomstvo habarlamasynda.
Esterińizge sala keteiik, Qostanai oblysynda karantin kezinde qoǵamdyq tamaqtaný nysandarynyń, oiyn jáne kompiýter salondarynyń jumysyna saǵat 20:00-den keiin tyiym salynǵan.
