Foto: ashyq derekkóz
Rýdnyi qalasynyń prokýratýrasynyń úilestirýimen júrgizilgen jedel is-sharalar nátijesinde Temirtaý qalasynyń 16 jastaǵy turǵyny ustaldy, dep habarlaidy Ult.kz.
Tekserý kezinde odan «mefedron» salynǵan túiinshekter tabylyp, jaldamaly páterinen satýǵa daiyn 200-den astam osyndai oramalar tárkilendi. Saraptama alynǵan zattyń psihotroptyq ekendigin rastady.
Atalǵan derek boiynsha QR Qylmystyq kodeksiniń 297-baby 3-bóligi («Esirtki zattaryn zańsyz ótkizý») boiynsha sotqa deiingi tergeý bastaldy. Jasóspirim qamaýǵa alyndy.
Buǵan deiin Rýdnyida ǵimarat qabyrǵalaryna esirtki nasihatyn bildiretin graffiti salǵan 14 jáne 16 jastaǵy eki jasóspirim ustalǵan edi.
Qostanai oblysynyń prokýratýrasy áleýmettik jeliler arqyly balalardyń «jeńil aqsha» tabý ýádesine aldanyp, esirtki biznesine tartylyp jatqanyn eskertedi. Ata-analarǵa balalarynyń internettegi áreketterine muqiiat bolyp, olardy qaýipti qatelikterden saqtandyrýǵa shaqyrady.
