Ázilkesh Tursynbek Qabatov týǵan kúnin týǵan jeri Oralda synyptastarymen birge atap ótti, dep habarlaidy ult.kz.

Óner iesi bul joly merekesin mektepte birge oqyǵan dostarynyń ortasynda ótkizgen. Synyptastary bas qosqan keshke ónerdegi áriptesteri de arnaiy kelip, tosyn syi jasaǵan.

Olardyń qatarynda ánshi Nurbolat Abdýllin, ázilkesh Nurjan Tólendiev jáne ánshi Zattybek Kópbosynuly bar. Qonaqtar Qabatovty týǵan kúnimen quttyqtap, qýanyshyn bólisken.

Aita keteiik, Tursynbek Qabatovtyń jary oraldyqtarǵa renishin aitty. 

Tursynbek Qabatov kim?

Tursynbek Qabatov - qazaqstandyq ázilkesh, akter jáne telejúrgizýshi. Kópshilikke kúndelikti ómirdegi jaǵdailardy, otbasylyq qarym-qatynas pen qoǵamdaǵy máselelerdi ázilmen jetkizetin monologtary arqyly tanylǵan.

Ol «Ázil álemi» teatry men «Óner qyrandary» ujymyndaǵy ónerimen, sondai-aq «Kóńildi tapqyrlar alańy» jobasymen belgili. Ázilkesh el óńirlerinde kontsert berip, televiziialyq oiyn-saýyq baǵdarlamalaryna qatysyp júr.

Tursynbek Qabatov Móldir Muqanovamen stýdent kezinde tanysyp, 2003 jyly shańyraq kótergen. Bul nekeden bes balasy _ úsh qyzy men eki uly bar.

2025 jyly Móldir Muqanova jýrnalist Janar Baisemizge bergen suhbatynda ázilkeshpen zańdy túrde ajyrasqanyn málimdedi. Ol burynǵy jubaiyn jaqsy áke dep sipattaǵan. Qabatov ta balalarymen bailanysyn úzbegenin jáne olardy jaqsy kóretinin aitqan.