Foto: Foto: Tengrinews.kz
Rýdnyida muǵalim oqýshyny sabaq kezinde ájethanaǵa jibermegeni úshin sógis aldy, - dep habarlaidy Tengrinews.kz saity.
9 naýryzda Abai atyndaǵy №18 mektepte 1-synyp oqýshysy sabaq kezinde ishi aýyryp turǵanyn aityp, ájethanaǵa suranǵan. Al muǵalim oǵan "7 minýt qaldy, shyda" degen. Oqýshy shydamaǵan.
Mektep oqýshysynyń anasy qalalyq bilim bólimi men BAQ ókilderine shaǵym túsirgen. Seisenbi, 14 naýryzda Rýdnyi qalalyq bilim bóliminiń basshysy Temirhan Jailybaev bul iske qatysty pikir bildirdi.
"Birinshi synyp oqýshysynyń anasy bilim bóliminiń jumys telefonyna synyp jetekshisiniń qyzyna birjaqty kózqaras tanytqany týraly shaǵymmen habarlasty. Muǵalim óz kinásin moiyndap, ókinetinin aitty. Muǵalim sol kúni aldymen túsinikteme jazdy. Keiin ol jumystan ketý týraly aryz jazdy. Biraq qazir anasynyń muǵalimge de, mektepke de talaby joq. Mektep psihology birinshi synyp oqýshysymen jumys istedi, ol burynǵy synypta oqýyn jalǵastyrady", - dedi Jailybaev.
Bilim basqarmasynyń basshysy kikiljiń sheshilip, qazir muǵalim sol mektepte jumysyn jalǵastyryp jatqanyn aitty.
Muǵalimniń minezdemesi jaqsy, eńbek ótili toǵyz jyl, pedagog-zertteýshi sanatynda jumys istep keledi. Osy synyptaǵy basqa ata-analar da ony jaqtady.
"Keshe bizdiń bólimge ata-analar komitetiniń ókilderi keldi. Olar balalardyń synyp jetekshisiniń aýysatynyn bilgende jylap jibergenin aitty", - dedi Rýdnyi qalalyq bilim bóliminiń bas mamany Marina Romaniak.
Jailybaevtyń aitýynsha, mektepterde balanyń sabaq kezinde dárethanaǵa qalai jáne qansha ret barýy týraly ereje joq. Rýdnyi qalasynyń mektep tájiribesinde mundai jaǵdai birinshi ret bolǵan.
"Árine, bul jerde qyzdyń quqyǵy buzyldy, muǵalimmen sóilestik, sógis túrindegi tártiptik jazaǵa tartyldy", - dedi bilim basqarmasynyń basshysy.
