فوتو: فوتو: Tengrinews.kz
رۋدنىيدا مۇعالٸم وقۋشىنى ساباق كەزٸندە ەجەتحاناعا جٸبەرمەگەنٸ ٷشٸن سٶگٸس الدى, - دەپ حابارلايدى Tengrinews.kz سايتى.
9 ناۋرىزدا اباي اتىنداعى №18 مەكتەپتە 1-سىنىپ وقۋشىسى ساباق كەزٸندە ٸشٸ اۋىرىپ تۇرعانىن ايتىپ, ەجەتحاناعا سۇرانعان. ال مۇعالٸم وعان "7 مينۋت قالدى, شىدا" دەگەن. وقۋشى شىداماعان.
مەكتەپ وقۋشىسىنىڭ اناسى قالالىق بٸلٸم بٶلٸمٸ مەن باق ٶكٸلدەرٸنە شاعىم تٷسٸرگەن. سەيسەنبٸ, 14 ناۋرىزدا رۋدنىي قالالىق بٸلٸم بٶلٸمٸنٸڭ باسشىسى تەمٸرحان جايلىباەۆ بۇل ٸسكە قاتىستى پٸكٸر بٸلدٸردٸ.
"بٸرٸنشٸ سىنىپ وقۋشىسىنىڭ اناسى بٸلٸم بٶلٸمٸنٸڭ جۇمىس تەلەفونىنا سىنىپ جەتەكشٸسٸنٸڭ قىزىنا بٸرجاقتى كٶزقاراس تانىتقانى تۋرالى شاعىممەن حابارلاستى. مۇعالٸم ٶز كٸنەسٸن مويىنداپ, ٶكٸنەتٸنٸن ايتتى. مۇعالٸم سول كٷنٸ الدىمەن تٷسٸنٸكتەمە جازدى. كەيٸن ول جۇمىستان كەتۋ تۋرالى ارىز جازدى. بٸراق قازٸر اناسىنىڭ مۇعالٸمگە دە, مەكتەپكە دە تالابى جوق. مەكتەپ پسيحولوگى بٸرٸنشٸ سىنىپ وقۋشىسىمەن جۇمىس ٸستەدٸ, ول بۇرىنعى سىنىپتا وقۋىن جالعاستىرادى", - دەدٸ جايلىباەۆ.
بٸلٸم باسقارماسىنىڭ باسشىسى كيكٸلجٸڭ شەشٸلٸپ, قازٸر مۇعالٸم سول مەكتەپتە جۇمىسىن جالعاستىرىپ جاتقانىن ايتتى.
مۇعالٸمنٸڭ مٸنەزدەمەسٸ جاقسى, ەڭبەك ٶتٸلٸ توعىز جىل, پەداگوگ-زەرتتەۋشٸ ساناتىندا جۇمىس ٸستەپ كەلەدٸ. وسى سىنىپتاعى باسقا اتا-انالار دا ونى جاقتادى.
"كەشە بٸزدٸڭ بٶلٸمگە اتا-انالار كوميتەتٸنٸڭ ٶكٸلدەرٸ كەلدٸ. ولار بالالاردىڭ سىنىپ جەتەكشٸسٸنٸڭ اۋىساتىنىن بٸلگەندە جىلاپ جٸبەرگەنٸن ايتتى", - دەدٸ رۋدنىي قالالىق بٸلٸم بٶلٸمٸنٸڭ باس مامانى مارينا رومانياك.
جايلىباەۆتىڭ ايتۋىنشا, مەكتەپتەردە بالانىڭ ساباق كەزٸندە دەرەتحاناعا قالاي جەنە قانشا رەت بارۋى تۋرالى ەرەجە جوق. رۋدنىي قالاسىنىڭ مەكتەپ تەجٸريبەسٸندە مۇنداي جاعداي بٸرٸنشٸ رەت بولعان.
"ەرينە, بۇل جەردە قىزدىڭ قۇقىعى بۇزىلدى, مۇعالٸممەن سٶيلەستٸك, سٶگٸس تٷرٸندەگٸ تەرتٸپتٸك جازاعا تارتىلدى", - دەدٸ بٸلٸم باسقارماسىنىڭ باسشىسى.
