Rýdnyida aliment bereshegin óteý úshin úi satyldy. Jeke sot oryndaýshysy Aleksandr Qojamuratov aliment bereshegin óndirip alý boiynsha úlken jumys atqardy, dep habarlaidy "Ult aqparat" Qostanai oblysy JSO óńirlik palatasynyń baspasóz qyzmetine silteme jasap.
2019 jylǵy 3 qyrkúiekte aliment óndirý týraly atqarýshylyq is qozǵaldy. 2017 jylǵy 1 qyrkúiekten bastap 2021 jylǵy 1 qańtarǵa deiingi bereshek 1 826 227 teńge somasynda aiqyndaldy.
«Rýdnyi qalasy sotynyń 2019 jylǵy 12 jeltoqsandaǵy uiǵarymymen boryshkerdiń menshiginde bolǵan Rýdnyi qalasyndaǵy turǵyn úidi óndirip alý jolymen sot sheshimin oryndaý tásili men tártibi ózgertildi», - dedi Qostanai oblysy JSO óńirlik palatasynyń basshysy Nesibeli Basenova.
2021 jylǵy 13 qańtarda tyiym salynǵan jyljymaityn múlikti májbúrlep satý nátijesi boiynsha úi elektrondy aýktsionda 2.039.400 teńgege satyldy.
Tiisinshe, aliment boiynsha qaryz tolyq kólemde óteldi.
