Instagram/rudny_official
Rýdnyi qalasynda taǵy da jylý qubyry jaryldy, dep habarlaidy "Ult aqparat".
"26 qańtarda saǵat 14.00-de Gorniakov kóshesi boiynda diametri 530 mm jylý trassasy jaryldy. Saldarynan 24 kópqabatty úi, 59 jeke úi jáne 16 zańdy tulǵa jylý jelisinen ajyratyldy. Jylý jelisindegi jaryqtyń orny anyqtaldy" - delingen ákimdik habarlamasynda.
Aqaýdy joiý boiynsha barlyq qajetti jumystar qarqyndy júrgizilip jatqany da naqtylanady.
Aita keteiik, 19 qańtarda Rýdnyi qalasynda qubyr jarylyp, 24 kópqabatty jáne 59 jer úi jylýsyz qalǵan bolatyn. Al 21 qańtarda Qasym-Jomart Toqaev Qostanai oblysyna jumys sapary barysynda, eń aldymen, Rýdnyida jylý qubyryndaǵy jarylys saldarymen tanysyp, óńir basshylyǵynyń qalpyna keltirý jumystary týraly baiandamasyn tyńdaǵan edi.
