Instagram/rudny_official
رۋدنىي قالاسىندا تاعى دا جىلۋ قۇبىرى جارىلدى, دەپ حابارلايدى "ۇلت اقپارات".
"26 قاڭتاردا ساعات 14.00-دە گورنياكوۆ كٶشەسٸ بويىندا ديامەترٸ 530 مم جىلۋ تراسساسى جارىلدى. سالدارىنان 24 كٶپقاباتتى ٷي, 59 جەكە ٷي جەنە 16 زاڭدى تۇلعا جىلۋ جەلٸسٸنەن اجىراتىلدى. جىلۋ جەلٸسٸندەگٸ جارىقتىڭ ورنى انىقتالدى" - دەلٸنگەن ەكٸمدٸك حابارلاماسىندا.
اقاۋدى جويۋ بويىنشا بارلىق قاجەتتٸ جۇمىستار قارقىندى جٷرگٸزٸلٸپ جاتقانى دا ناقتىلانادى.
ايتا كەتەيٸك, 19 قاڭتاردا رۋدنىي قالاسىندا قۇبىر جارىلىپ, 24 كٶپقاباتتى جەنە 59 جەر ٷي جىلۋسىز قالعان بولاتىن. ال 21 قاڭتاردا قاسىم-جومارت توقاەۆ قوستاناي وبلىسىنا جۇمىس ساپارى بارىسىندا, ەڭ الدىمەن, رۋدنىيدا جىلۋ قۇبىرىنداعى جارىلىس سالدارىمەن تانىسىپ, ٶڭٸر باسشىلىعىنىڭ قالپىنا كەلتٸرۋ جۇمىستارى تۋرالى بايانداماسىن تىڭداعان ەدٸ.
