Rýdnyi qalasy politsiia basqarmasynyń kriminaldyq politsiia qyzmetkerleri 161/11 qonys-koloniiasynan qashqan eki qylmyskerdi ustady, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
Osy jyldyń 16 qańtarynda keshki saǵat 21:00 shamasynda koloniianyń kezekshi qyzmetkeri túzeý mekemesiniń aýmaǵynda sottalǵan eki turǵynnyń joq ekenin anyqtaǵan.
1986 jáne 1996 jyly týǵan eki er adam koloniianyń terezesin syndyryp, qashyp ketken.
«Mekeme basshylyǵy dabyl kóterip, jeke quram baǵdarlandy. Eki sottalýshy Rýdnyi qalasynda turǵan, sondyqtan Rýdnyi qalasy politsiia basqarmasynyń qyzmetkerleri kúsheitilgen qyzmet atqarý rejimine aýystyryldy. Jedel izdestirý is-sharalary kezinde qaladaǵy jaldamaly páterler, qylmyskerlerdiń dostary men týystary tekserildi. Sol kúni tártip saqshylary sottalǵandardy ustady» delingen vedomstvo habarlamasynda.
Qazirgi ýaqytta is sotqa berildi, al sottalǵandardyń ózderi Qostanai qalasynyń tergeý izoliatoryna qamaldy.
