Májilis depýtaty Amanjan Jamalov teńge men Resei rýbliniń arasyndaǵy baǵamǵa qatysty másele kóterdi, dep habarlaidy QazAqparat.
«Qazaqstanǵa keletin importtyń negizgi kózi Resei bolyp tur. Onyń úlesi 50-60%-ǵa jetken. Iaǵni, infliatsiiaǵa rýbldiń teńgege qatysty baǵamy tikelei áser etýde. Jyl basynan beri rýbl teńgege qatysty 40% nyǵaidy. Rýbldiń teńgege qatysty baǵamy Resei valiýtasynyń dollarǵa qatysty kross-baǵamy arqyly qalyptasyp jatqanyn aitý kerek. Biraq bul faktige Ulttyq bank kóz juma qarap otyr. Memleket basshysy Ulttyq bank ikemdi ári jol tapqysh bolý kerektigin aitty. Sondyqtan jýyqta Premer-Ministr Álihan Smaiylovtyń rýblmen teńge arasynda tikelei baǵam qalyptastyrý týraly usynysyn qoldaimyn. Tarihi jáne ekonomikalyq teńgerimdi eskersek, rýbldiń teńgege qatysty baǵamy 5-6 teńgeden aspaýy kerek», - dedi depýtat.
Sondai-aq ol bazalyq mólsherlemeniń 14,5% bolýy týraly paiymyn aitty.
«Mundai mólsherlememen eshbir esi durys biznes qyzmet kórsete almaidy. Ulttyq bank infliatsiiaǵa siltep otyr. Ol qazir 16,1%-ǵa jetti», - dedi Amanjan Jamalov.
