skrinshot
Ázerbaijandyq tanymal ánshi Roza Zergerli Qazaqstannyń halyq ártisi Roza Rymbaevaǵa qatysty aitylǵan synǵa jaýap berdi, - dep habarlaidy Ult.kz.
Roza Zergerli óz oiyn Marat Oralgazin Youtube arnasynda jariialanǵan "Qyzyq Premiia-2024" shyǵarylymynyń pikirler bóliminde jazdy:
"Qymbattylarym, súiiktilerim meniń, eń bastysy - bizdiń tamyrymyz bir. Roza hanym zalda myńdaǵan adam meni baqylap, tyńdap biraq túsinbei otyrǵanyn túsinip, bizge kómektesti. Men de sol tusta oryssha sóilep, ol kisige de, sizderge dep jyly lebizimdi bildirip, qaljyńymdy da aita aldym. Jańa jyl qutty bolsyn! Meiirimdi bolaiyq! Sizderdi jaqsy kóremin", -dep jazdy ol.
Aita keteiik, "Qyzyq Premiia-2024" shyǵarylymynda tanymal "Istedim" ániniń oryndaýshysy Roza Zergerli óz esimin ákesi Qazaqstannyń halyq ártisi Roza Rymbaevanyń qurmetine qoiǵanyn aitqan. Tolyqtai qazaq tilinde ótetin baǵdarlamada Zergerli óziniń ana tilinde, iaǵni ázerbaijan tilinde sóilep turǵan. Sol kezde sahnaǵa Roza Rymbaeva shyǵyp, orys tilinde sóz sóilei bastaǵan edi. Oryssha sóilegen Roza Qýanyshqyzynyń sózi jurtshylyq arasynda synǵa ushyrap, el onyń tipti qonaqtyń ózi óz ana tilinde sóilep turǵanda Qazaqstannyń halyq ártisi orys tilinde sóilegeni durys bolmaǵanyn aitty.
Iýtýb kórermenderdiń biri: -"Qazaqtyń Rozasy shyqqanda halyqtyń tik turyp qurmet kórsetýi keremet boldy! Ár nársede bir kemshilik bolady ǵoi ózi. Osy atmosferany Roza apamyzdyń oryssha sóilegeni buzdy. Ańyz adam, ańyz adamnyń bir jasaǵan kemshiligine kóz juma qaraimyz amal joq!" -dese, taǵy bir jeli qoldanýshysy: -"Barlyǵy kúshti boldy. Tek Roza Rymbaeva apamyz úshin qatty uialdym. kórermender qatty qoshemet kórsetip, oryndarynan turyp edi, al Roza apamyz ana tilinde bir aýyz sóz aita almai eldi uiatqa qaldyrdy", -dedi.
