سكرينشوت
ەزەربايجاندىق تانىمال ەنشٸ روزا زەرگەرلٸ قازاقستاننىڭ حالىق ەرتٸسٸ روزا رىمباەۆاعا قاتىستى ايتىلعان سىنعا جاۋاپ بەردٸ, - دەپ حابارلايدى Ult.kz.
روزا زەرگەرلٸ ٶز ويىن Marat Oralgazin Youtube ارناسىندا جارييالانعان "قىزىق پرەمييا-2024" شىعارىلىمىنىڭ پٸكٸرلەر بٶلٸمٸندە جازدى:
"قىمباتتىلارىم, سٷيٸكتٸلەرٸم مەنٸڭ, ەڭ باستىسى - بٸزدٸڭ تامىرىمىز بٸر. روزا حانىم زالدا مىڭداعان ادام مەنٸ باقىلاپ, تىڭداپ بٸراق تٷسٸنبەي وتىرعانىن تٷسٸنٸپ, بٸزگە كٶمەكتەستٸ. مەن دە سول تۇستا ورىسشا سٶيلەپ, ول كٸسٸگە دە, سٸزدەرگە دەپ جىلى لەبٸزٸمدٸ بٸلدٸرٸپ, قالجىڭىمدى دا ايتا الدىم. جاڭا جىل قۇتتى بولسىن! مەيٸرٸمدٸ بولايىق! سٸزدەردٸ جاقسى كٶرەمٸن", -دەپ جازدى ول.
ايتا كەتەيٸك, "قىزىق پرەمييا-2024" شىعارىلىمىندا تانىمال "Istedim" ەنٸنٸڭ ورىنداۋشىسى روزا زەرگەرلٸ ٶز ەسٸمٸن ەكەسٸ قازاقستاننىڭ حالىق ەرتٸسٸ روزا رىمباەۆانىڭ قۇرمەتٸنە قويعانىن ايتقان. تولىقتاي قازاق تٸلٸندە ٶتەتٸن باعدارلامادا زەرگەرلٸ ٶزٸنٸڭ انا تٸلٸندە, ياعني ەزەربايجان تٸلٸندە سٶيلەپ تۇرعان. سول كەزدە ساحناعا روزا رىمباەۆا شىعىپ, ورىس تٸلٸندە سٶز سٶيلەي باستاعان ەدٸ. ورىسشا سٶيلەگەن روزا قۋانىشقىزىنىڭ سٶزٸ جۇرتشىلىق اراسىندا سىنعا ۇشىراپ, ەل ونىڭ تٸپتٸ قوناقتىڭ ٶزٸ ٶز انا تٸلٸندە سٶيلەپ تۇرعاندا قازاقستاننىڭ حالىق ەرتٸسٸ ورىس تٸلٸندە سٶيلەگەنٸ دۇرىس بولماعانىن ايتتى.
يۋتۋب كٶرەرمەندەردٸڭ بٸرٸ: -"قازاقتىڭ روزاسى شىققاندا حالىقتىڭ تٸك تۇرىپ قۇرمەت كٶرسەتۋٸ كەرەمەت بولدى! ەر نەرسەدە بٸر كەمشٸلٸك بولادى عوي ٶزٸ. وسى اتموسفەرانى روزا اپامىزدىڭ ورىسشا سٶيلەگەنٸ بۇزدى. اڭىز ادام, اڭىز ادامنىڭ بٸر جاساعان كەمشٸلٸگٸنە كٶز جۇما قارايمىز امال جوق!" -دەسە, تاعى بٸر جەلٸ قولدانۋشىسى: -"بارلىعى كٷشتٸ بولدى. تەك روزا رىمباەۆا اپامىز ٷشٸن قاتتى ۇيالدىم. كٶرەرمەندەر قاتتى قوشەمەت كٶرسەتٸپ, ورىندارىنان تۇرىپ ەدٸ, ال روزا اپامىز انا تٸلٸندە بٸر اۋىز سٶز ايتا الماي ەلدٸ ۇياتقا قالدىردى", -دەدٸ.
