Qazaqstannyń halyq ártisi Roza Rymbaeva shyǵarmashylyq jolyndaǵy aitýly mereitoiyn atap ótti. Sahnada júrgenine 50 jyl tolýyna orai ánshiniń uldary anasyna erekshe tosynsyi jasap, jańa avtokólik syilady, dep habarlaidy ult.kz.
Qýanyshty sátti ánshiniń úlken uly Áli Oqapov áleýmettik jelidegi paraqshasynda jariialady. Videoda Roza Rymbaevanyń Almatydaǵy avtosalondardyń birine kelgeni, al uldarynyń oǵan jańa jol talǵamaityn kóliktiń kiltin tabystaǵany kórinedi.
«Sizdi shyǵarmashylyq mereitoiyńyzben quttyqtaimyz. Sahnada júrgenińizge – 50 jyl. Osy jańa kólikti bizdiń syiymyz retinde qabyl alyńyz», – deidi Áli Oqapov.
Kútpegen syilyqqa qatty tolqyǵan óner iesi qýanyshtan kózine jas alyp, balalaryna alǵysyn bildirdi. Jeli qoldanýshylary da jyly lebizderin jaýdyryp, Roza Rymbaevany mereitoiymen quttyqtap, uldarynyń qamqorlyǵyna tánti bolǵandaryn jazdy.
