Qazaqstan Ulttyq Banki 27 shildeden bastap «Este qalatyn oqiǵalar men birtýar adamdar» atty monetalar seriiasynan «ROZA BAǴLANOVA. 100 JYL» kollektsiialyq monetalarynyń satylymǵa shyǵatynyn habarlady.
Monetalar www.kazcoins.nationalbank.kz platformasynda QUB internet-dúkeni arqyly satylady.
"2021 jyly KSRO halyq artisi, Qazaqstannyń Halyq qaharmany, qazaqtyń opera jáne estrada ánshisi Roza Baǵlanovanyń týǵanyna 100 jyl toldy.
Nominaly 100 teńgelik melhiordan soǵylǵan moneta «Este qalatyn oqiǵalar men birtýar adamdar» seriiasyn jalǵastyrady.
Moneta aversiniń ortalyq bóliginde Qazaqstan Respýblikasynyń Memlekettik eltańbasy beinelengen. Eltańbanyń oń jaǵy men sol jaǵynda oiý-órnek elementteri ornalasqan. «QAZAQSTAN ULTTYQ BANKI • NATIONAL BANK OF KAZAKHSTAN» degen jazý moneta jiegimen ainaldyra jazylǵan. Tómengi bóliginen monetanyń nominalyn bildiretin «100 TEŃGE» jazýyn kórýge bolady.
Moneta reversinde Roza Baǵlanovanyń sýreti, portrettiń sol jaǵynda mereitoilyq datany bildiretin «100 JYL» degen jazý bar, moneta jieginde «Ah, Samara-gorodok» ániniń notalary, «ROZA BAǴLANOVA» degen jazýlar ainaldyra basylǵan, sol jaǵynda – monetanyń shyqqan jylyn bildiretin «2022» degen jazý bar" - delingen habarlamada.
MN25 qospasynan jasalǵan nominaly 100 teńgelik monetanyń massasy – 15 gramm, diametri – 33 mm, daiyndaý sapasy – «brilliant uncirculated», taralymy – 15 000 dana.
Moneta kollektsiialyq quny turǵysynan satýǵa arnalǵan. Olar belgilengen qunyna sai Qazaqstan Respýblikasynyń búkil aýmaǵynda barlyq tólem túri boiynsha, sondai-aq bank shottaryna esepteý úshin, Qazaqstan Respýblikasynyń barlyq bankterinde aýdarý, usaqtaý jáne aiyrbastaý úshin qabyldanýǵa jatady.
Kollektsiialyq moneta Qazaqstannyń teńge saraiynda jasalǵan.
