Mine, shyndyq shyǵyp jatyr. Tarih bárin óz ornyna qoiady. Muny jelide paida bolǵan marqum Roza Baǵlanovanyń myna videosy taǵy bir márte dáleldep berdi. Shirkin, óner adamdarynyń ózi biik bolǵan ǵoi ol kezde. Al qazirgi shoý-biznestegiler ishken-jegenin aitqanynan asa almai júr... Ókinishti, árine.
Áleýmettik jelide paida bolǵan bul videony buryn kórgen emespiz. Soǵan qaraǵanda, ol osy kúnge deiin qupiia qujattardyń ishinde shań bop, bógip jatqan sekildi. Videoda jeztańdai ánshi, qazaqtyń bulbuly — Roza Baǵlanova minberde sóilep tur.
Zalda tanadai tynyshtyq. Óitkeni aitylmaýy tiis sóz aitylyp jatyr. Qazaqtar týraly. Naqtyraq aitqanda, qazaq náýbeti. Qazaqqa qylǵan qyzyl imperiianyń lańy týraly...
"Men soǵysty kórdim. Biraq Aralda bop jatqan nárseni bir sózben toqtatý múmkin emes. Iá, soǵysty toqtatýǵa bolady. Atom bombasyn da, ushaqty da toqtatýǵa bolady. Biraq muny toqtatý múmkin emes. Biz osynda otyrmyz ǵoi, qazir sóz sóilep, al ana jaqta tabiǵat óz degenin jasap jatyr. Tyrnaqshaǵa alyp aitaiynshy, „uly ǵalymdarymyzdyń„ qolymen jasalǵan nárseni aitam.
Búkil bir ultty jatyrynda qyryp jatqan ǵalymdardy men kókke kóterip, ulyqtap qalai basqalai aitam. Bir ulttyń kózin joiyp jatyr deimin.
Basqa kezde biz muny qaskóilik der edik. Al olar KSRO-nyń akademikteri, eki-úsh dúrkin Sovet odaǵynyń batyry ǵoi. Mundaida ne deimiz?..
Qazaqstan territoriiasynda ne bop jatqanyn bilesizder me?
Semeide poligon, Baiqońyrda kosmodrom, Aralda… Osydan soń, qazaqtarǵa qalai ómir súrýge bolady? Eger týra osy jaǵdai shetelde bolǵanda, mysaly, Amerikada bolsynshy, onda qalai aiqailap-qiqýlap shyǵar edik.
Ońbaǵandar, beti shimirikpei, bútin bir ultty joiyp jatyr der edik. Bul arada tek jalǵyz Qazaqstan emes qoi. Olarda da boldym. Maǵan óte aýyr boldy. Kózi joq týǵanynan. Qos kózi de. Solai týady. Basynda shashy joq. Qoly joq. Aiaǵy joq. Bul neni bildiredi? Kimnen suraýymyz kerek, bul tragediiany kimge aitýymyz kerek.
Bútin ulttyń osy jan jarasyn, basyndaǵy tragediiasyn jetkizý úshin, qai instantsiiaǵa deiin barýymyz kerek?..", - dep, Roza apaiymyz kózine jas alyp, ábden tyǵyryqqa tirelip tur.
