Foto: primeminister.kz
Qazaqstan Respýblikasy úkimetiniń qaýlysymen Rostislav Koniashkin jasandy intellekt jáne tsifrlyq damý birinshi vitse-ministri bolyp taǵaiyndaldy, dep habarlaidy primeminister.kz.
Úkimettiń baspasóz qyzmetiniń habarlaýynsha, Rostislav Koniashkin 1989 jyly Taraz qalasynda dúniege kelgen. M. V. Lomonosov atyndaǵy Máskeý memlekettik ýniversitetin, L.N.Gýmilev atyndaǵy Eýraziia ulttyq ýniversitetin bitirgen.
Eńbek jolyn 2011 jyly jeke kásiporynda konsýltant bolyp bastaǵan.
2011-2012 jyldary – "KazTransCom" ERP-Service JShS "Intergaz Ortalyq Aziia" AQ jáne "Qaztransgaz" AQ kásiporyndary jobasynyń konsýltanty.
2012-2014 jyldary – Astana Innovations AQ-da túrli qyzmetter atqardy.
2014-2015 jyldary – "Aqparattyq taldaý ortalyǵy" AQ Elektrondy oqytýdy damytý ortalyǵynyń bas menedjeri, jobalyq menedjeri;
2016 jyly – "Azamattarǵa arnalǵan úkimet" memlekettik korporatsiiasy" KEAQ Memlekettik qyzmet kórsetýdiń ádisnama departamentiniń bas mamany;
2016-2017 jyldary – "Órleý" innovatsiialyq tehnologiialar ortalyǵy" JShS jobalar boiynsha menedjeri;
2017-2019 jyldary – "Transtelekom" AQ ortalyq apparatynyń "Jobalyq menedjerler, AT keńsesi" baǵyty boiynsha jobalyq menedjeri;
2019-2020 jyldary – Tengri Lab JShS jobalyq keńsesiniń basshysy;
2020-2021 jyldary – TsDIAÓM Memlekettik kórsetiletin qyzmetter komiteti tóraǵasynyń orynbasary;
2021-2024 jyldary – "Ulttyq aqparattyq tehnologiialar" AQ basqarma tóraǵasy
2024-2025 jyldary – Tsifrlyq damý, innovatsiialar jáne aeroǵarysh ónerkásibiniń vitse-ministri;
2025 jyldyń qazan aiynan bastap qazirgi ýaqytqa deiin jasandy intellekt jáne tsifrlyq damý vitse-ministri bolyp jumys istedi.
