Roskosmos Jezqazǵan mańyndaǵy qaiǵyly oqiǵaǵa bailanysty pikir bildirdi, - dep habarlaidy kaz.tengrinews.kz tilshisi. Resmi habarlama Reseidiń ǵarysh qyzmeti jónindegi "Roskosmos" memlekettik korporatsiiasynyń saitynda jariialandy. Korporatsiia qyzmetkerleri qaza tapqan er adamnyń jaqyndary men týystaryna kóńil aitady.
"Aýyr meteojaǵdailarǵa bailanysty halyq turmaityn aýmaqta órt shyqty. Adamdarǵa esh qaýip tónip turǵan joq, órt sóndirildi. Bar málimetterge sáikes, órtti sóndirý kezinde KamAZ júrgizýshisiniń qazaq tapqany anyqtaldy. Ol "Roskosmos" memlekettik korporatsiiasyna kirmeitin "Mashina jasaý" AQ jumysshysy bolyp qyzmet etken. KamAZ qatty soqqan jeldiń saldarynan tolyqtai órtenip ketken. Roskosmos qaza tapqan er adamnyń jaqyndary men týystaryna kóńil aitady", - deidi korporatsiia ókilderi.
14 maýsymda keshki ýaqytta qoldanýshylar WhatsApp messendjeri arqyly Jezqazǵan mańyndaǵy Talap aýylyna zymyran qulaǵany týraly habar taratqan bolatyn. Habarlamada qirandyda geptil (adam ómirine óte qaýipti himiialyq ýly zat) bar delindi. Aýyl turǵyndaryna esik pen terezelerdi jabý kerektigi jáne balalardy kóshege shyǵarmaý týraly eskertý jasalǵan bolatyn. Sondai-aq, osyǵan deiin Jezqazǵan mańyna qulaǵan zymyran qirandysynda qaterli geptil joq ekeni aitylǵan edi.
