Cheliabinskide ótken Qazaqstan men Reseidiń XIV óńiraralyq yntymaqtystyǵy forýmy aiasynda «Baiqońyr» kesheni boiynsha kelisimderdiń quqyqtyq negizderin tolyqtyrý boiynsha shartqa qol qoiyldy, dep habarlaidy Ult.kz tilshisi QazAqparat agenttigine silteme jasap.
Roskosmos baspasóz qyzmetiniń aqparaty boiynsha, «Roskosmos» memlekettik korporatsiiasy bas direktorynyń birinshi orynbasary Aleksandr Ivanov pen Qazaqstan Respýblikasy Aýyl sharýashylyǵy ministriniń birinshi orynbasary Qairat Aitýǵanov 1994 jylǵy 10 jeltoqsanda qabyldanǵan RF Úkimeti men QR Úkimeti arasyndaǵy «Baiqońyr» keshenin Jalǵa berý shartyna ózgerister engizý týraly Hattamaǵa qol qoidy.
«Hattamada «Baiqońyr» keshenin jalǵa berý sharty sheńberinde Resei Federatsiiasynyń Qazaqstan Respýblikasynan jalǵa alatyn territoriialardyń koordinattary naqtylanǵan», - dep habarlady vedomstvonyń baspasóz qyzmetinen.
Sondai-aq RF densaýlyq saqtaý ministri Veronika Skvortsova men QR densaýlyq saqtaý ministri Eljan Birtanov Resei Federatsiiasy Úkimeti men Qazaqstan Respýblikasy Úkimetiniń arasyndaǵy 2009 jyldyń 17 qarashasynda qabyldanǵan «Baiqońyr» keshenin Resei Federatsiiasyna jalǵa berý shartyna sáikes «Baiqońyr» ǵarysh ailaǵynyń qyzmetkerlerine, Baiqońyr qalasynyń, Toretam jáne Aqai eldi mekenderiniń turǵyndaryna meditsinalyq qyzmet kórsetý tártibi jaily» Kelisimge ózgerister engizý týraly Hattamaǵa qol qoidy.
Qol qoiylǵan qujattar eki el arasyndaǵy yntymaqtastyqty damytýdyń mańyzdy elementi bolyp tabylatyn «Baiqońyr» kesheni boiynsha ekijaqty quqyqtyq bazany tolyqtyra túsedi.
