Roskomnadzor reseilik BAQ pen qoǵam qairatkerleriniń YouTube arnalaryna bailanysty 50 shaqty "tsenzýra" tirkegenin habarlady.
Mekeme YouTube iesi Google korporatsiiasyn "shekteýdi dereý doǵaryp, reseilik qoldanýshylardyń aqparatqa qoljetimdiligin qamtamasyz etýge" shaqyrdy.
"Roskomnadzor barlyq fakt boiynsha diskriminatsiiany toqtatýdy talap etti. 18 naýryzdaǵy jaǵdai boiynsha, Google LLC kompaniiasy bul talaptardy oryndamady" dep jazylǵan senbi kúni vedomstvo taratqan habarlamada.
Bir kún buryn olar Google korporatsiiasynan "qysqa ýaqyt ishinde" Resei azamattaryna baǵyttalǵan "qoqan-loqy" kontentin tyiyp, "Reseige qarsy rolikterdi" taratpaýdy talap etken. Mekeme videohosting ákimshiligi áreketiniń "terroristik sipaty" baryn da aitqan.
RIA "Novosti" agenttiginiń derekkózi Reseide YouTube kelesi aptanyń sońyna deiin buǵattalýy múmkin ekenin habarlady.
Bir apta buryn YouTube videoservisi Resei memlekettik arnalarynyń paraqshasyn jaýyp, Ýkrainadaǵy soǵys týraly videomaterialdaryn joiatynyn habarlaǵan. Kompaniianyń túsindirýinshe, Reseidiń memlekettik arnalary taratqan habarlar soǵystan aqparat taratý jaily kompaniia erejelerine qaishy.
