روسكومنادزور رەسەيلٸك باق پەن قوعام قايراتكەرلەرٸنٸڭ YouTube ارنالارىنا بايلانىستى 50 شاقتى "تسەنزۋرا" تٸركەگەنٸن حابارلادى.
مەكەمە YouTube يەسٸ Google كورپوراتسيياسىن "شەكتەۋدٸ دەرەۋ دوعارىپ, رەسەيلٸك قولدانۋشىلاردىڭ اقپاراتقا قولجەتٸمدٸلٸگٸن قامتاماسىز ەتۋگە" شاقىردى.
"روسكومنادزور بارلىق فاكت بويىنشا ديسكريميناتسييانى توقتاتۋدى تالاپ ەتتٸ. 18 ناۋرىزداعى جاعداي بويىنشا, Google LLC كومپانيياسى بۇل تالاپتاردى ورىندامادى" دەپ جازىلعان سەنبٸ كٷنٸ ۆەدومستۆو تاراتقان حابارلامادا.
بٸر كٷن بۇرىن ولار Google كورپوراتسيياسىنان "قىسقا ۋاقىت ٸشٸندە" رەسەي ازاماتتارىنا باعىتتالعان "قوقان-لوقى" كونتەنتٸن تىيىپ, "رەسەيگە قارسى روليكتەردٸ" تاراتپاۋدى تالاپ ەتكەن. مەكەمە ۆيدەوحوستينگ ەكٸمشٸلٸگٸ ەرەكەتٸنٸڭ "تەرروريستٸك سيپاتى" بارىن دا ايتقان.
ريا "نوۆوستي" اگەنتتٸگٸنٸڭ دەرەككٶزٸ رەسەيدە Youتube كەلەسٸ اپتانىڭ سوڭىنا دەيٸن بۇعاتتالۋى مٷمكٸن ەكەنٸن حابارلادى.
بٸر اپتا بۇرىن YouTube ۆيدەوسەرۆيسٸ رەسەي مەملەكەتتٸك ارنالارىنىڭ پاراقشاسىن جاۋىپ, ۋكرايناداعى سوعىس تۋرالى ۆيدەوماتەريالدارىن جوياتىنىن حابارلاعان. كومپانييانىڭ تٷسٸندٸرۋٸنشە, رەسەيدٸڭ مەملەكەتتٸك ارنالارى تاراتقان حابارلار سوعىستان اقپارات تاراتۋ جايلى كومپانييا ەرەجەلەرٸنە قايشى.
