Resei BAQ-taryn baqylaýshy Roskomnadzor Google kompaniiasynan "Reseilik qoldanýshylarǵa qater tóndiretin" sóz tirkesin alyp tastaýdy talap etti. Bul jóninde vedomstvonyń telegram-arnasy habarlady.
"Google.Translate servisinen ekstremistik sipattaǵy quqyq buzýshylyq anyqtaldy. Atalǵan servis dear Russians ("qymbatty reseilikter") degen sóz tirkesin orys tiline aýdarý úshin reseilik qoldanýshylarǵa dead Russians ("óli reseilikter") degen sóz tirkesin jazýdy usynǵan. Ózge ulttarǵa kelgende mundai másele joq", - deidi Roskomnadzor.
9 sáýirde birqatar telegram-arna men basylym osy jaitqa nazar aýdarǵan edi.
Google "Interfaksqa" Google.Translate servisindegi qatelik túzetilgenin habarlady.
7 sáýirde Roskomnadzor "Resei zańyn buzatyn kóptegen quqyq buzýshylyqtary úshin" Google kompaniiasyna "aqparattyq jáne ekonomikalyq sipattaǵy májbúrleý sharalaryn" qoldanatyny týraly habarlaǵan. "Iandeks" pen Mail.ru izdestirý júiesi Google resýrsyn "Resei zańyn buzatyn sait" dep eskertken. Resei biligi Google men onyń resýrstarynyń jarnamasyna tyiym salǵan.
Roskomnadzor Google ielik etetin YouTube videohostingi "Ýkrainada áskeri operatsiia júrgizip jatqan Resei Qarýly kúshteri týraly jalǵan aqparat taratatyn negizgi alańǵa ainaldy" dep málimdedi.
"Munan ózge YouTube Ýkrainanyń "Pravii sektory" men ultshyl "Azov" polky sekildi ekstremistik uiymdar týraly aqparattarǵa tosqaýyl qoimaidy", - dep jazǵan vedomstvo "videohostingte 112 myńnan astam tyiym salynǵan material bar" dep sanaidy.
