Foto: pnp.ru
«Rosatom» memlekettik korporatsiiasynyń bas direktory Aleksei Lihachev Ult.kz tilshisiniń suraqtaryna jaýap bere otyryp, Qazaqstandaǵy bolashaq atom elektr stantsiiasyn salý jáne ony kadrmen qamtamasyz etý máseleleri jóninde aitty.
Onyń sózinshe, bul baǵyttaǵy jumys memleketaralyq kelisimder jasalmai turyp bastalǵan. Birneshe jyl buryn Almatyda MIFI-diń (Máskeý injenerlik-fizikalyq institýty) filialy ashylyp, búginde ol «Rosatom» úshin halyqaralyq mamandar daiarlaityn jetekshi ortalyqtardyń birine ainalǵan. Sonymen qatar, qazaqstandyq ulttyq ýniversitettermen de áriptestik ornatylyp, bilim berý men ǵylym salasynda birlesken josparlar iske asyrylýda.
«Eń zamanaýi qondyrǵylardyń ózi adamsyz jumys istemeidi, sondyqtan kadr daiarlaý – biz úshin basty mindet. Biz jastarmen tek kásibi turǵyda ǵana emes, rýhani turǵyda da jumys isteimiz», – dedi Lihachev.
Ol sondai-aq AES qurylysynyń óńirdiń áleýmettik-ekonomikalyq damýyna oń áser etetinin atap ótti. Mysal retinde Ostrovets (Belarýs), Bangladesh jáne basqa elderdegi tájiribeni keltirdi. Lihachevtiń aitýynsha, mundai jobalar jańa infraqurylymnyń damýyna, bilim berý sapasynyń artýyna jáne ómir súrý deńgeiiniń kóterilýine yqpal etedi.
«Eń bastysy – adamdardyń ózgerýi. Adamdar bilimge umtylady. Jastar da, basqa býyn ókilderi de ózderin jetildirýge, úlken jumysqa daiyndalýǵa belsendi kirisedi. Bul ómir súrý deńgeiin, bilim sapasyn arttyrady. Árine, biz mektepter salamyz. Árine, biz úshin osy óńirlerdiń jastaryn atom salasynyń mamandyqtaryna oqytý tiimdi, óitkeni olardyń otany, úii osynda, al olardyń januialarynyń ainalasynda bolashaq atom mamandary qalyptasady», - deidi «Rosatom» basshysy.
Mysal retinde Lihachev Aqtaý kentin keltirdi.
«Kazahstan bul úrdisti jaqsy biledi. Aqtaý sekildi atomshylar qalalary árdaiym eldegi ómir súrý deńgeii eń joǵary ortalyqtar bolyp keledi», – dep qorytyndylady «Rosatom» basshysy.
Aita keteiik, Almaty oblysynyń Jambyl aýdanyndaǵy Úlken aýylynda iri qýatty atom elektr stantsiiasyn salý jobasy aiasyndaǵy alǵashqy jumystar – stantsiia qurylysyna arnalǵan ońtaily alańdy aiqyndaý jáne jobalyq qujattamany ázirleý maqsatyndaǵy injenerlik izdestirýler bastaldy.
Is-sharaǵa Qazaqstan Respýblikasy Atom energiiasy jónindegi agenttiginiń tóraǵasy Almasadam Sátqaliev jáne «Rosatom» memlekettik korporatsiiasynyń bas direktory Aleksei Lihachiov qatysty.
