فوتو: pnp.ru
«روساتوم» مەملەكەتتٸك كورپوراتسيياسىنىڭ باس ديرەكتورى الەكسەي ليحاچەۆ Ult.kz تٸلشٸسٸنٸڭ سۇراقتارىنا جاۋاپ بەرە وتىرىپ, قازاقستانداعى بولاشاق اتوم ەلەكتر ستانتسيياسىن سالۋ جەنە ونى كادرمەن قامتاماسىز ەتۋ مەسەلەلەرٸ جٶنٸندە ايتتى.
ونىڭ سٶزٸنشە, بۇل باعىتتاعى جۇمىس مەملەكەتارالىق كەلٸسٸمدەر جاسالماي تۇرىپ باستالعان. بٸرنەشە جىل بۇرىن الماتىدا ميفي-دٸڭ (مەسكەۋ ينجەنەرلٸك-فيزيكالىق ينستيتۋتى) فيليالى اشىلىپ, بٷگٸندە ول «روساتوم» ٷشٸن حالىقارالىق ماماندار دايارلايتىن جەتەكشٸ ورتالىقتاردىڭ بٸرٸنە اينالعان. سونىمەن قاتار, قازاقستاندىق ۇلتتىق ۋنيۆەرسيتەتتەرمەن دە ەرٸپتەستٸك ورناتىلىپ, بٸلٸم بەرۋ مەن عىلىم سالاسىندا بٸرلەسكەن جوسپارلار ٸسكە اسىرىلۋدا.
«ەڭ زاماناۋي قوندىرعىلاردىڭ ٶزٸ ادامسىز جۇمىس ٸستەمەيدٸ, سوندىقتان كادر دايارلاۋ – بٸز ٷشٸن باستى مٸندەت. بٸز جاستارمەن تەك كەسٸبي تۇرعىدا عانا ەمەس, رۋحاني تۇرعىدا دا جۇمىس ٸستەيمٸز», – دەدٸ ليحاچەۆ.
ول سونداي-اق اەس قۇرىلىسىنىڭ ٶڭٸردٸڭ ەلەۋمەتتٸك-ەكونوميكالىق دامۋىنا وڭ ەسەر ەتەتٸنٸن اتاپ ٶتتٸ. مىسال رەتٸندە وستروۆەتس (بەلارۋس), بانگلادەش جەنە باسقا ەلدەردەگٸ تەجٸريبەنٸ كەلتٸردٸ. ليحاچەۆتٸڭ ايتۋىنشا, مۇنداي جوبالار جاڭا ينفراقۇرىلىمنىڭ دامۋىنا, بٸلٸم بەرۋ ساپاسىنىڭ ارتۋىنا جەنە ٶمٸر سٷرۋ دەڭگەيٸنٸڭ كٶتەرٸلۋٸنە ىقپال ەتەدٸ.
«ەڭ باستىسى – ادامداردىڭ ٶزگەرۋٸ. ادامدار بٸلٸمگە ۇمتىلادى. جاستار دا, باسقا بۋىن ٶكٸلدەرٸ دە ٶزدەرٸن جەتٸلدٸرۋگە, ٷلكەن جۇمىسقا دايىندالۋعا بەلسەندٸ كٸرٸسەدٸ. بۇل ٶمٸر سٷرۋ دەڭگەيٸن, بٸلٸم ساپاسىن ارتتىرادى. ەرينە, بٸز مەكتەپتەر سالامىز. ەرينە, بٸز ٷشٸن وسى ٶڭٸرلەردٸڭ جاستارىن اتوم سالاسىنىڭ ماماندىقتارىنا وقىتۋ تيٸمدٸ, ٶيتكەنٸ ولاردىڭ وتانى, ٷيٸ وسىندا, ال ولاردىڭ جانۇيالارىنىڭ اينالاسىندا بولاشاق اتوم ماماندارى قالىپتاسادى», - دەيدٸ «روساتوم» باسشىسى.
مىسال رەتٸندە ليحاچەۆ اقتاۋ كەنتٸن كەلتٸردٸ.
«كازاحستان بۇل ٷردٸستٸ جاقسى بٸلەدٸ. اقتاۋ سەكٸلدٸ اتومشىلار قالالارى ەردايىم ەلدەگٸ ٶمٸر سٷرۋ دەڭگەيٸ ەڭ جوعارى ورتالىقتار بولىپ كەلەدٸ», – دەپ قورىتىندىلادى «روساتوم» باسشىسى.
ايتا كەتەيٸك, الماتى وبلىسىنىڭ جامبىل اۋدانىنداعى ٷلكەن اۋىلىندا ٸرٸ قۋاتتى اتوم ەلەكتر ستانتسيياسىن سالۋ جوباسى اياسىنداعى العاشقى جۇمىستار – ستانتسييا قۇرىلىسىنا ارنالعان وڭتايلى الاڭدى ايقىنداۋ جەنە جوبالىق قۇجاتتامانى ەزٸرلەۋ ماقساتىنداعى ينجەنەرلٸك ٸزدەستٸرۋلەر باستالدى.
ٸس-شاراعا قازاقستان رەسپۋبليكاسى اتوم ەنەرگيياسى جٶنٸندەگٸ اگەنتتٸگٸنٸڭ تٶراعاسى الماسادام سەتقاليەۆ جەنە «روساتوم» مەملەكەتتٸك كورپوراتسيياسىنىڭ باس ديرەكتورى الەكسەي ليحاچيوۆ قاتىستى.
