Shabýylshy Krishtianý Ronaldý Portýgaliia quramasy sapynda óz karerasyndaǵy 110-shy golyn soǵyp, ulttyq komanda úshin salǵan dop sany boiynsha jańa álem rekordyn ornatty, dep habarlaidy RIA Novosti.
2022 jylǵy álem chempionatynyń irikteý saiysynda Portýgaliia quramasy óz alańynda Irlandiiany qabyldady.
Aldymen 45-minýtta irlandiialyq Djon Egan esep ashqanymen, match sońynda Ronaldý myqtylyǵyn tanytty. Ol 89-minýtta tarazy basyn teńestirip, óziniń qurama sapyndaǵy 110-golyn soqty. Osylaisha shabýylshy óz sporttyq jolynda qarsylastar qaqpasyna 109 dop engizgen, 2007 jyly karerasyn aiaqtaǵan Iran quramasynyń eks-forvardy Ali Daeidiń kórsetkishinen asyp tústi.
Al 96-minýtta Ronaldý taǵy bir goldyń avtory atanyp, komandasyna jeńis áperdi.
Portýgaliia quramasy A tobynda 10 upaimen birinshi orynda keledi.
Aita keteiik, oiyn barysynda keleńsiz jaǵdai boldy – Ronaldý penalti oryndaý barysynda qarsylas komandanyń oiynshysyn betinen urdy.
