شابۋىلشى كريشتيانۋ رونالدۋ پورتۋگالييا قۇراماسى ساپىندا ٶز كارەراسىنداعى 110-شى گولىن سوعىپ, ۇلتتىق كوماندا ٷشٸن سالعان دوپ سانى بويىنشا جاڭا ەلەم رەكوردىن ورناتتى, دەپ حابارلايدى ريا نوۆوستي.
2022 جىلعى ەلەم چەمپيوناتىنىڭ ٸرٸكتەۋ سايىسىندا پورتۋگالييا قۇراماسى ٶز الاڭىندا يرلاندييانى قابىلدادى.
الدىمەن 45-مينۋتتا يرلاندييالىق دجون ەگان ەسەپ اشقانىمەن, ماتچ سوڭىندا رونالدۋ مىقتىلىعىن تانىتتى. ول 89-مينۋتتا تارازى باسىن تەڭەستٸرٸپ, ٶزٸنٸڭ قۇراما ساپىنداعى 110-گولىن سوقتى. وسىلايشا شابۋىلشى ٶز سپورتتىق جولىندا قارسىلاستار قاقپاسىنا 109 دوپ ەنگٸزگەن, 2007 جىلى كارەراسىن اياقتاعان يران قۇراماسىنىڭ ەكس-فورۆاردى الي داەيدٸڭ كٶرسەتكٸشٸنەن اسىپ تٷستٸ.
ال 96-مينۋتتا رونالدۋ تاعى بٸر گولدىڭ اۆتورى اتانىپ, كومانداسىنا جەڭٸس ەپەردٸ.
پورتۋگالييا قۇراماسى ا توبىندا 10 ۇپايمەن بٸرٸنشٸ ورىندا كەلەدٸ.
ايتا كەتەيٸك, ويىن بارىسىندا كەلەڭسٸز جاعداي بولدى – رونالدۋ پەنالتي ورىنداۋ بارىسىندا قارسىلاس كوماندانىڭ ويىنشىسىن بەتٸنەن ۇردى.
