"Manchester Iýnaited" shabýylshysy Krishtianý Ronaldý kásibi karerasyndaǵy gol sany boiynsha álemdik rekord ornatty, - dep habarlaidy Tengrinews.kz tilshisi Vesti.kz saityna silteme jasap.
"R-Sport" málimetinshe, Ronaldý APL-dyń 29-týryndaǵy londondyq "Tottenhem" klýbyna qarsy oiynda (3:2) het-trik jasaǵan. Osylaisha, onyń karerasynda 807 gol soǵylǵan (692 - klýbtar úshin, 115 - ulttyq komanda úshin).
Portýgaldyq avstriialyq jáne chehoslovakiialyq shabýylshy Iozef Bitsannan asyp túsken. Ol mansabynda 805 gol soqqan. Bitsannyń jetistigin kóptegen statistikalyq resýrs, sonyń ishinde halyqaralyq fýtbol federatsiiasy (FIFA) men sporttyq statistika qory (RSSSF) rastaidy. Sonymen qatar, Cheh fýtbol qaýymdastyǵy Bitsan resmi matchtarda 821 gol soqqanyn aitady.
37 jastaǵy sportshy "Sporting", "Manchester Iýnaited", "Real", "Iýventýs"komandalarynyń namysyn qorǵady. Ol - Chempiondar Ligasynyń bes dúrkin jeńimpazy. Tamyzda Ronaldý "Manchester Iýnaitedke" oraldy.
