"مانچەستەر يۋنايتەد" شابۋىلشىسى كريشتيانۋ رونالدۋ كەسٸبي كارەراسىنداعى گول سانى بويىنشا ەلەمدٸك رەكورد ورناتتى, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
"ر-سپورت" مەلٸمەتٸنشە, رونالدۋ اپل-دىڭ 29-تۋرىنداعى لوندوندىق "توتتەنحەم" كلۋبىنا قارسى ويىندا (3:2) حەت-تريك جاساعان. وسىلايشا, ونىڭ كارەراسىندا 807 گول سوعىلعان (692 - كلۋبتار ٷشٸن, 115 - ۇلتتىق كوماندا ٷشٸن).
پورتۋگالدىق اۆسترييالىق جەنە چەحوسلوۆاكييالىق شابۋىلشى يوزەف بيتساننان اسىپ تٷسكەن. ول مانسابىندا 805 گول سوققان. بيتساننىڭ جەتٸستٸگٸن كٶپتەگەن ستاتيستيكالىق رەسۋرس, سونىڭ ٸشٸندە حالىقارالىق فۋتبول فەدەراتسيياسى (فيفا) مەن سپورتتىق ستاتيستيكا قورى (RSSSF) راستايدى. سونىمەن قاتار, چەح فۋتبول قاۋىمداستىعى بيتسان رەسمي ماتچتاردا 821 گول سوققانىن ايتادى.
37 جاستاعى سپورتشى "سپورتينگ", "مانچەستەر يۋنايتەد", "رەال", "يۋۆەنتۋس"كوماندالارىنىڭ نامىسىن قورعادى. ول - چەمپيوندار ليگاسىنىڭ بەس دٷركٸن جەڭٸمپازى. تامىزدا رونالدۋ "مانچەستەر يۋنايتەدكە" ورالدى.
