Foto: primeminister.kz
Qazaqstan Respýblikasy Premer-ministrdiń birinshi orynbasary Roman Skliar jumys saparymen «Nur Joly» Qazaqstan-Qytai avtokólik ótkizý beketinde boldy.
Atalǵan is-shara Memleket basshysynyń shekara mańyndaǵy infraqurylymdy jańǵyrtý jáne logistikalyq baǵyttardyń tiimdiligin arttyrý jónindegi tapsyrmalaryn júzege asyrý aiasynda ótti.
Sapar barysynda Roman Skliar pýnkttiń infraqurylymy jáne óndiristik qyzmetimen tanysty, rásimderdi tsifrlandyrý, ótkizý qabileti deńgeiin, sondai-aq júk tasymalynyń ashyqtyǵy men úzdiksiz júrgizilýin qamtamasyz etý barysyn baǵalady.
Tekserý qorytyndysy boiynsha Premer-ministrdiń birinshi orynbasary jaýapty memlekettik organdarǵa vedomstvoaralyq ózara is-qimyldy kúsheitý, ótkizý pýnktterin jańǵyrtýdy jedeldetý, júkterdi óńdeý merzimderin saqtai otyryp, sanitarlyq-baqylaý talaptaryn qamtamasyz etý, sondai-aq ótkizý protsesteriniń tiimdiligin arttyrý úshin zamanaýi IT-sheshimderdi engizý jóninde birqatar tapsyrma berdi.
Ótkizý pýnktteriniń QHR-men belsendi ekonomikalyq ózara is-qimyl jaǵdaiynda eksporttyq-importtyq operatsiialardy ornyqty damytý jáne elimizdiń tranzittik áleýetin arttyrý úshin strategiialyq mańyzdylyǵy atap ótildi.
Atalǵan tapsyrmalardyń oryndalýy Úkimettiń turaqty baqylaýynda bolady.
