QR Premer-Ministriniń orynbasary Roman Skliar «Jumyspen qamtýdyń jol kartasy» baǵdarlamasynyń júzege asyrylýymen, jergilikti mańyzy bar joldardyń qurylys barysymen tanysty, dep habarlaidy "Ult aqparat".
Oblys basshylyǵy avtojol qurylysy boiynsha sharalar jáne aldaǵy kezeńge arnalǵan josparlar týraly baiandady.
Aǵymdaǵy jyly qabyldanǵan sharalar aiasynda óńirde 800 km jol salý jáne jóndeý josparlanǵan.
Jumyspen qamtý jol kartasy sheńberinde 302 joba iske asyrylýda. Bul maqsatqa 46 mlrd teńgeden astam qarjy bólindi. 12 myńǵa jýyq jumys ornyn qurý josparlanýda.
Úkimet delegatsiiasy 110 páterli «Batys-2» shaǵyn aýdanyndaǵy turǵyn úi kesheniniń qurylys barysymen tanysty. Munda mektepke deiingi mekemelerdi, saýda núktelerin, balalardyń shyǵarmashylyǵyn damytý ortalyǵyn salý qarastyrylǵan.
Roman Skliar sondai-aq uzyndyǵy 696 metr bolatyn Selmash aýdanyndaǵy kópirdi aralap kórdi. Munda qurylys-montajdaý jumystary 2018 jyly bastalǵan, 2020 jyldyń sońynda aiaqtalatyn bolady.
Jumys saparynyń qorytyndysy boiynsha Roman Skliar qoiylǵan mindetterdi júzege asyrýdyń mańyzdylyǵyn atap ótti jáne belgilengen josparlardy oryndaý boiynsha birqatar naqty tapsyrmalar berdi.
