Foto: Úkimettiń baspasóz qyzmeti
Premer-Ministrdiń birinshi orynbasary Roman Skliar Soltústik Qazaqstan oblysyndaǵy injenerlik infraqurylymnyń sý tasqynyna daiyndyǵyn tekserý maqsatynda Petropavl qalasynyń mańyndaǵy birneshe aýyldardy tekserý úshin túngi reid júrgizdi, dep habarlaidy "Ult aqparat".
Reid barysynda Teplichnoe, Pribrejnoe aýyldary men Ýsheva kóshesi boiyndaǵy bógetterdi nyǵaitý jumystarynyń barysy tekserildi.
Roman Skliar merdiger kompaniialarǵa bógetterdi nyǵaitý úshin tehnika kólemin arttyrýdy tapsyryp, ýaqyt az ekenin eske saldy.
«Bizde sanaýly kúnder qaldy, belsendi jumys isteý kerek. Nysandarda júk mashinalary men basqa da tehnikalar jetkiliksiz, tiegishterdiń sanyn eki esege arttyrý qajet. Sýdyń kóterilý kezeńinde biz aǵymdaǵy jaǵdaiǵa jaýap beretin mobildi toptar quratyn bolamyz», — dedi Premer-Ministrdiń birinshi orynbasary.
