Foto: primeminister.kz
Premer-ministrdiń birinshi orynbasary Roman Skliar Samsung Electronics Central Eurasia kompaniiasynyń prezidenti Iýdjin Djongpen kezdesý ótkizdi, dep habarlaidy Ult.kz Úkimettiń baspasóz qyzmetine silteme jasap.
Kezdesýde taraptar yntymaqtastyqtyń ózekti máselelerin talqylady.
Roman Skliar jergilikti óndirýshilerdi jahandyq jetkizý tizbegine engizý, oqshaýlaýdy tereńdetý, óndiristiń ósimin qamtamasyz etý jáne shyǵarylatyn ónim nomenklatýrasyn keńeitý jumystaryn jalǵastyrýdyń mańyzdylyǵyn atap ótti.
Kezdesý aiasynda Samsung Electronics Central Eurasia men Silkroad Electronics zaýyty arasynda kelisimge qol qoiyldy, onyń sheńberinde Samsung kompaniiasynyń alǵashqy qazaqstandyq teledidarlary 2025 jyldyń ekinshi toqsanynda satylymǵa shyǵady.
Bul joba otandyq mashina jasaý salasy úshin qosymsha múmkindikter ashyp, joǵary bilikti jańa jumys oryndaryn ashýǵa septigin tigizedi.
Sondai-aq kezdesý barysynda turmystyq tehnika óndirisi jáne tyǵyz kooperatsiialyq bailanystardy odan ári damytý salasyndaǵy basqa da birqatar másele talqylandy.
