14 naýryzda QR Premer-Ministriniń orynbasary Roman Skliar men Ishki ister ministri Erlan Turǵymbaev astana men Aqmola oblysynyń aýmaqtaryn tikushaqpen aralap shyqty, dep habarlaidy "Ult aqparat".
Qosshy, Ilinka, Qajymuqan, Talapker, Qoiandy, Novomarkovka eldi mekenderiniń, Viacheslav sý qoimasynyń, Astana sý rettegishiniń, sondai-aq Nura ózeniniń arnasy boiynsha Preobrajensk sý torabynyń qar qoryna aerovizýaldy tekserý júrgizildi.
Ushý barysyna Ishki ister ministriniń orynbasary Iýrii Ilin, «QazAvtoJol» basshysy Ulan Álipov qatysty.
Kózben sholyp qaraý aýmaqtyń basym bóliginde qar erý protsesi turaqty júrip jatqanyn kórsetti.
Quzyretti qyzmetter jerden de, spýtniktik zondtaý kómegimen de táýlik boiy monitoring júrgizýde.
Ishki ister ministrliginiń basshylyǵy Aqmola, Qaraǵandy, Qostanai, Shyǵys Qazaqstan jáne Soltústik Qazaqstan oblystarynyń jazyq ózenderinde turaqty muz qatýy baiqalatyny, al keptelistiń aldyn alý maqsatynda muzdardy qopsytý boiynsha jarylys jumystary júrgiziletini týraly baiandady.
