14 ناۋرىزدا قر پرەمەر-مينيسترٸنٸڭ ورىنباسارى رومان سكليار مەن ٸشكٸ ٸستەر مينيسترٸ ەرلان تۇرعىمباەۆ استانا مەن اقمولا وبلىسىنىڭ اۋماقتارىن تٸكۇشاقپەن ارالاپ شىقتى, دەپ حابارلايدى "ۇلت اقپارات".
قوسشى, يلينكا, قاجىمۇقان, تالاپكەر, قوياندى, نوۆوماركوۆكا ەلدٸ مەكەندەرٸنٸڭ, ۆياچەسلاۆ سۋ قويماسىنىڭ, استانا سۋ رەتتەگٸشٸنٸڭ, سونداي-اق نۇرا ٶزەنٸنٸڭ ارناسى بويىنشا پرەوبراجەنسك سۋ تورابىنىڭ قار قورىنا اەروۆيزۋالدى تەكسەرۋ جٷرگٸزٸلدٸ.
ۇشۋ بارىسىنا ٸشكٸ ٸستەر مينيسترٸنٸڭ ورىنباسارى يۋريي يلين, «قازاۆتوجول» باسشىسى ۇلان ەلٸپوۆ قاتىستى.
كٶزبەن شولىپ قاراۋ اۋماقتىڭ باسىم بٶلٸگٸندە قار ەرۋ پروتسەسٸ تۇراقتى جٷرٸپ جاتقانىن كٶرسەتتٸ.
قۇزىرەتتٸ قىزمەتتەر جەردەن دە, سپۋتنيكتٸك زوندتاۋ كٶمەگٸمەن دە تەۋلٸك بويى مونيتورينگ جٷرگٸزۋدە.
ٸشكٸ ٸستەر مينيسترلٸگٸنٸڭ باسشىلىعى اقمولا, قاراعاندى, قوستاناي, شىعىس قازاقستان جەنە سولتٷستٸك قازاقستان وبلىستارىنىڭ جازىق ٶزەندەرٸندە تۇراقتى مۇز قاتۋى بايقالاتىنى, ال كەپتەلٸستٸڭ الدىن الۋ ماقساتىندا مۇزداردى قوپسىتۋ بويىنشا جارىلىس جۇمىستارى جٷرگٸزٸلەتٸنٸ تۋرالى باياندادى.
