Qazaqstan Respýblikasy Premer-Ministriniń orynbasary Roman Skliar Tótenshe jaǵdailar ministrliginiń alqa otyrysyna qatysty. Bul týraly Úkimettiń baspasóz qyzmeti habarlady.
TJM-niń ótken jylǵy qyzmeti, aldaǵy kezeńge arnalǵan mindetteri týraly TJ ministri Iýrii Ilin baiandama jasady. Ministrliktiń ortalyq apparaty vedomstvolary men qurylymdyq bólimsheleriniń basshylary jedel-qyzmettik is-qimyldyń perspektivalary, mindetteri men nátijeleri týraly aqparat berdi.
Alqany qorytyndylai kele, Roman Skliar 2020 jyly TJ aldyn alý jáne joiý, halyq pen aýmaqtardy qorǵaý salasynda biryńǵai memlekettik saiasatty iske asyrý boiynsha aitarlyqtai jumys atqarylǵanyn atap ótti.
Sonymen qatar, Premer-Ministrdiń orynbasary Memleket basshysynyń Qazaqstan halqyna Joldaýynyń, Úkimettiń tabiǵi jáne tehnogendik sipattaǵy tótenshe jaǵdailardan halyqtyń ómir súrý qaýipsizdigin qamtamasyz etýge baǵyttalǵan baǵdarlamalyq qujattarynyń mindetterin ýaqtyly oryndaýdyń mańyzdylyǵyn atap ótti.
Tótenshe jaǵdailar ministrligine qysqy kezeńniń aiaqtalýyn baqylaýda ustaý jáne qazirdiń ózinde kóktemgi sý tasqyny men órt qaýpi maýsymǵa daiyndyqty bastaý tapsyryldy, óńirlerdegi jumysty taldaý, TJ-ǵa den qoiý salasyndaǵy memlekettik basqarý júiesin jetildirý tetikterin aiqyndaý qajettigi atap ótildi.
2020 jyly qutqarýshylar órt jáne apattyq-qutqarý jumystary boiynsha 70 myńnan astam saparǵa shyǵýdy júzege asyrdy, 14 myń adam qutqaryldy, TJ aimaǵynan 19 myń adam evakýatsiialandy jáne 4 myń zardap shekken adamǵa alǵashqy meditsinalyq kómek kórsetildi.
